1. Хүн, амьтан, ургамлын амьдралд зайлшгүй чухал азот, хүчилтөрөгч бүхий хийн нэгдэл - Амьдарч өссөн энэ газрын дэлгэрэнгүй...агаар нь хүртэл амьсгалахад цаанаа өөр байдаг. Д.Гарамжав. Нэгэн өглөө., агаар бэлтгэл (агаарыг эрүүл ахуйд нийцүүлэн боловсруулах ажиллагаа), агаар судлал (дэлхийн агаар мандлын дээд давхаргуудын физик, химийн шинжийг судлах цаг уурын шинжлэх ухааны салбар), агаар сэлгэлт (агаар дутагдалтай газарт нэмэлт агаарыг тогтмолжуулах үйлдэл), агаар эмнэлэг (нарны гэрэл, илч, дулаанаар эмчлэх эмнэл зүй), агаарын давхарга (газрын дээрх шим мандал, давхарга мандал, цэнэгт мандал гэсэн гурван давхаргаас бүрдсэн агаар мандлын ерөнхий нэр), агаарын сонсгол зүй (агаар мандалд дуу авиа түгэн тархахуйг судлах ухаан), агаарын тунадас (хур бороо, цас, мөндөр), агаарын үнэмлэхүй чийг (нэг шоо дөрвөлжин метр агаарт оршиж буй усны уурыг граммаар хэмжсэн тоо чанар), агаарын хараа зүй (агаарт гэрэл сарних, шингэх, хугарах, ойх, цацрах зэрэг агаар мандлын үзэгдлийг судлах ухаан), агаарын харьцангуй чийг (агаарт хуралдах чийгийг халуун хүйтний нөхцөлд хамааруулан хэмжих чанар), агаарын даралт (агаарын дээд давхарга доод давхаргаа дарах хүч), агаарын бохирдол (агаарын хий болон аэрозолууд амьд биетэд сөрөг нөлөө үзүүлэх хэмжээнд хүрэх нь), агаарын урсгал (халуун хүйтний улмаас агаарын даралт газар бүр нягт сийрэг нь харилцан адилгүй болж, нягт газраас сийрэг тийш хий урсах үзэгдэл; салхи гарах), агаарын хугарал (агаар мандал дахь гэрлийн хугарлын нөлөөгөөр агаарын бодис харагдах байдал), агаарын хуурай багана (гаднах даралтад шахагдан нягтарч агшин зуур дулаан үл нэвчих чанар олсон хуурай хий), агаар мандал (дэлхийн болон бусад зарим гарагийн хийн бүрхүүл), агаар мандлын цахилгаанлаг (агаар мандалд гарах элдэв цахилгаан үзэгдлийн цогц); агаар цэвэршүүлэгч (агаарыг цэвэр ариун болгох төхөөрөмж), агаарын чийгшил (агаарт агуулагдаж буй усны уур), агаар чийгшүүлэгч (агаарын хуурайшлыг багасгагч төхөөрөмж), агаарын температур (агаарын халуун хүйтний хэмжээ), агаар тэнгэр [хоршоо] (а. Тэнгэр огторгуй; б. Цаг агаар) - Арван гурав хоногийн газраас агаар тэнгэрээр шуугин нисэж л гэнэ. Монгол ардын тууль;