1. Эм хүйсийн эсрэг утга, эр бэлгэ бүхий хүн, амьтан - Эр хүний жолоо урт гэж манай өвгөд дээдсийн үг мэргэн дэлгэрэнгүй...
ажээ. Б.Ринчен. Өмнө этгээдэд зорчсон тэмдэглэл;эрийн цээнд хүрэх | нас бие, эр чадал гүйцэх |
эрийн гурван наадам | монгол үндэстний уламжлалт бөх барилдах, морь уралдах, сур харвах гурван зүйл тэмцээн |
эрийн ганц | цор ганц |
сайн эр | а. Хүний мөс чанараар сайн хүн; б. [хуучирсан] Ард түмний эрх чөлөө сайн сайхны төлөө, баяд ноёдын эсрэг боссон хүн; в. [яриа] Хулгайч |
эр нөхөр | гэрлэсэн эрэгтэй хүн |
эр эм | а. Эр эм бэлгэ бүхий хүн, амьтан; б. Эхнэр нөхөр хоёр |
эр эм болох | гэр бүл болох |
эр сувай | агталсан болон боосохгүй жил өнжсөн мал амьтан |
эртэй хүн | чадал тэнхээ сайтай хүн |
эр муутай | а. Зориггүй, аймхай хулчгар; б. Чадал тэнхээ муутай |
эр сайтай | а. Зоригтой; б. Чадал тэнхээ сайтай |
эр чадал | хүний зориг чадал тэнхээ, хатуужил |
эр бяр | а. Хүч тэнхээ; б. Ааг омог |
эр зориг | ямар нэг юмыг ялж дийлэх тэсвэр хатуужил |
эр бар | а. Үлэмж давуу хүч чадал; б. Дээрэлхүү зан |
эр байт | нэг алд эрвэй |
эр ноос | хонь, тэмээ зэрэг малын их биеийн ноос |
эр хар алхам | морины тэмүүлэн түргэлхийлж хурдавчлан алхах явдал |
эр саримсаг | нэг хумс саримс |
эр дэгээ | барилдахад учраа бөхийн хөлийн дотроос хөлөөрөө гохдон авч гадагш дарах мэх |
эр шилбэ | эм шилбэний дотор оруулж торгодог товчтой шилбэ |
эр туурцаг | зөвхөн дохиур болон тоосовчоос бүрдсэн цэцгийн нэг хэсэг |
эр үхэр сааж элгэн тарах бүрэх | бүтэшгүй зүйл мөрөөдөх |
эр сайтай эм төлөв эзэн сайтай морь номхон | хүнийг ханилж яваа хань, эдэлж хэрэглэж яваа зүйлээр нь таньж болно гэсэн санаа |
эр нэг эндүүрдэг эрэг нэг нурдаг | ямар ч хүн алдаа гаргадаг гэсэн санаа |
эр өсөж эсгий сунах | эр хүнийг бага гэж басах хэрэггүй гэсэн санаа |
эр хүн арван гурван мэхтэй эд бөс ар өвөр талтай | эр хүн аргаа олдог гэсэн санаа |
эр хүн зовохдоо ухаан ордог эрдэнэ элэхдээ өнгө ордог | хүн зовох тусам ухааждаг гэсэн санаа |
эр хүн олзонд эрвээхэй зулд | олзонд хэтэрхий их шунах хэрэггүй гэсэн санаа |
эр хүнд эв бий эсгий малгайд хэв бий | эр хүн арга ухаан ихтэй гэсэн санаа |
эр хүнд эрхий гурав ороох сур олз эм хүнд ээрүүл ороох ноос олз | монгол ахуй амьдралд эрэгтэй эмэгтэй хүний эрхэлдэг ажил үйл өөр өөр байдаг гэсэн санаа |
эр хүний хээгүй нь сайхан эхнэр хүний өглөг нь сайхан | эр хүнд элдэв ааш, зан хэрэггүй гэсэн санаа |
эр цагаан | ганц эвэртэй, үхэр шиг сүүлтэй, морьтой төстэй нэгэн зүйл гөрөөс |
эр цэцэг | зөвхөн эр туурцаг бүхий ганц бэлгэт цэцэг |
эр ногоо - гол уснаас хол хөдөө хээрийн ногоо
Энэ хэдэн хонио жаахан эр ногоонд хүргэе
Д.Сумъяа2015-05-09 19:03:41
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он