1. Батлах, хариуцах: анги даах (анги хариуцан удирдах) - Харин манай анги даасан багш бол огт өөр дэлгэрэнгүй...зантай. С.Удвал. Та бид уулзана., - Дааж авсан ангийнхаа хүүхдийг тараачихсан. Ц.Уламбаяр. Зовлон жаргал., батлан даах (бүрэн хариуцахаар ам өгч авах) - Лувсанчүлтэмийг батлан дааж хүлээн авсугай хэмээснийг түүгээр гүйцэтгэн шийтгэнэ үү хэмээн ирсэн. Г.Пүрвээ. Ц.Сономдагва. Д.Сүхбаатар-баримт бичгийн түүвэр., биеэ даах (а. Хэн нэгний шууд хамаарлаас гарах - Энэ үеэс эхлэн Дугар мээрэн биеэ дааж цэрэг захирах болов. С.Дашдэндэв. Улаан наран; б. Биеэ хариуцан ажиллаж, амьдрах - Тэрхүү тэмдгийн жинхэнэ эзэн болоход биеэ дааж их зүйлийг сурах шаардлагатай боллоо гэж бодоод уйгагүй ажилласан даа. Г.Дүйнхэржав. Арилшгүй мөр), даасан сайд [хуучирсан] (эрхэлсэн сайд; ямарваа нэг яамны бүх хэргийг захирах сайд), даасан цэрэг [хуучирсан] (Чин улсын үеийн манж, монгол морьт хуяг), дайн тулааныг даах (дайн тулаанд баттай ялуулахаар хариуцах, хор хохирол бага гаргуулах) - Дайн тулааныг даадаг лам биш. Ж.Пүрэв. Гурван зангилаа., хамтлаг даах (хамтлагийн гишүүд болон үйл ажиллагааг хариуцан, дэмжиж тэтгэх), хариуцан даах (бүрэн хариуцан гүйцэтгэх), хичээл даах (а. Нэг хичээлийг дагнан заах; б. Бусдын хичээлийг нь хариуцан явуулах) - Харин та нар бидний хоол ундыг даана шүү дээ гэж нөгөө гурвын нэг нь өчив. Л.Түдэв. Улаан долгион;