Хүний удам угсаа, ураг төрлийн зэрэг дэс: ахмад үе (нас ахимаг хүмүүс), ачийн үе (ач дэлгэрэнгүй...хүүхдүүдийн үе), залуу үе (залуучууд), есөн үе (хуланц, элэнц, өвөг, эцэг, өөрийн бие, хүү, ач, жич, гуч), өвгийн үе (өвөг эцгийн амьдарч байсан цаг), хойч үе (биднээс хойш амьдрах хүмүүсийн цаг), элэнц хуланцын үе (өвөө эмээгийн өмнөх өвгөдийн үе), гэрийн үеийн бичмэл (удам угсааны он дараалсан бичиг), нас үе (насны зөрөө нь арван хоёр жилийн доторх хүмүүс), үе дамжих (үеэс үед уламжлагдах), үе залгамжлах (өвгөд хөгшдийг үр хүүхэд нь залгамжлах) - Улмаар Ховдын цайзыг авсны учир Хатанбаатар Магсаржавт үе залгамжлах хошуу бэйс цол шагнажээ. Л.Түдэв. Алтан гадас чигийг заана., үе залгах (а. Хүний үр хойч өсөж үржин эцгийнхээ голомтыг таслалгүй айл гэр болох; б. Эцэж турсан мал ногоо идэж тэнхрэх), үе сунжрах (үе холдох), үе улирах (төрөл удам уламжлах), үе холдох (ураг төрөл улирч холдох, холын садан болох), үеийн нөхөр (нас ойр болоод итгэж нөхөрлөсөн хүн), үеийн хүн (ойр насны хүн) - Цугларсан хүмүүс бол цөм арван долоо найман настай үе тэнгийн идэрчүүд байлаа. Ч.Лодойдамба. Тунгалаг Тамир., үеийн үед (үүрд, ямар ч цаг үед), үе алд [хоршоо] (эн тэнцүү, чацуу, нэг үеийн) - Үе алдын залуучууд үймэн цуглараад хүрсэн. Алтай хайлах., үе нас [хоршоо] (нас, бие) - Удам угийг ялгаж салгаад бас үе насыг үзэж ураг бололцмуй. Монголын зан аалийн ойлбор., үе тэн [хоршоо] (нас ойр), үе угсаа [хоршоо] (угсаа залгамж, гарал үүсэл) - Төр улсаа төвхнүүлэх үе угсаа залгамжлах хүүтэй болсондоо баяртай явах болжээ. ААЗ., үе удам [хоршоо] (тодорхой цаг хугацаанд амьдарч байсан (амьдарч буй) удмын хүмүүс) - Очиж нутаглавал үе удам залгах олон үр хүүхэдтэй болно. ААЗ., үе хэргэм [хоршоо] (цол зэрэг, угсаа залгамж) - Гэрийн ахмад хөвгүүн үе хэргэмийг залгамжлах хууль ёсыг сахина. Монгол зан аалийн ойлбор., *үе мултрах (хүний насны зөрөө нь арван хоёроос хэтрэх) - Нас яах вэ. Охиноос минь арваад л ах байх. Арван насны зөрөө юу ч биш. Үе мултарсан юм бол өөр байх сан. Н.Банзрагч. Зам