1. Ярьж буй зүйлийн ард, даван өнгөрөөд ард нь байгаа, чанад: байшингийн цаана (байшингийн цаад дэлгэрэнгүй...талд), уулын цаана (уулын чанад), цаана наана [хоршоо] (а. Юмны ард урд хоёр тал; б. Хол, ойр), наана цаана болгох (а. Нааш цааш нь хөдөлгөх, тавих; б. Эмхлэн янзлах, хэрэг явдлыг аятайхнаар зохицуулах), наана цаана гэлцэх [яриа] (хоорондоо маргалдах, хэрэлдэх), *наана цаана болох (ихэд сандрах, самгардах), *наана цааныг бодохгүй (юмны учир начрыг тунгаахгүй, бодлогогүй байдал), *цаана нааныг мэдэх (учрыг мэдэх) - Гэвч хүний хэлсэн үгийн наана цааныг мэднэ. Ч.Лодойдамба. Тунгалаг Тамир., *наана цаанагүй (илүү дутуу зангүй), *цаанатай наанатай явах (хүнтэй эвтэй байх, эв зүйгээ ололцон явах);