1. Уулын тэгш орой: тагийн бүс (өндөр уулын бүс) - Хараан доор холын уулс цэнхэртэн сүүмэлзэж, оргил тагаар хүдэн манан бүрэлзэнэ. Д.Цэдэв. Айргийн амт., тагийн бүслүүр (дэлхийн сэрүүн дулаан орны уулсын мөнх цас оршдог заагаас дээш байдаг ургамлын бүслүүр), таг царам [хоршоо] (өндөр уулын оройн хүн, амьтан хүрэхэд бэрх аглаг хэсэг) - Таг цармын амьтан биш. Б.Бааст. Алтайн хөх дөнөн., тагийн тарна [ургамал] (ходоод гэдэсний ажиллагааг сайжруулж үрэвсэл намдаах үйлчилгээтэй, тарна овгийн олон наст ургамал); 2. Хавтгай оройтой, дугуй ширээстэй, бүч шилбэ хоёр нь тэнцүү монгол үндэсний нэг зүйл малгай; 3. [барга аман аялгуу] Аяга таваг тавихаар ханын толгой, унь хоёроос дүүжилсэн хавтас [Баярмэнд. МХНАӨҮС].