1. Үзэх үйлд өртөх, харагдах - Саяхны хэдэн өдрөөс хөтөлгөө морь нь гундсан сайхан төрсөн ах үзэгдээд байх дэлгэрэнгүй...болчихлоо. Т.Очирхүү. Айлын сайхан эгч., үзэгдэх байдал (юмны мөн чанарыг шууд тусган хүлээн авч байгаа өрөөсгөл илрэл), холын бараа үзэгдэх (холд байгаа юм харагдах), манайхаар үзэгдэх (манайхаар ороод гарах, манайд ирээд явах), од үзэгдэх (од харагдах), нүдний өмнө үзэгдэх (а. Нүдний өмнө дурайтал харагдах; б. [шилжсэн] Нүдний өмнө харагдаж байгаа юм шиг сэтгэлд буух), нүдэнд үзэгдэх төдий (үл үзэгдэм, маш жижиг) - Тэгэхэд одоо үзэгдэхгүй буюу үзэгдэх төдий болсон нь харин байн байсаар бас л үеэ дуусгах болуужин хэмээн санана. Ж.Дамдин. Миний монгол., үл үзэгдэх (харагдахгүй байх, хараанд үл өртөх), үзэгдэж харагдаагүй (ерөөс байдаггүй, сонин хачин), *ад үзэгдэх (бусдад шоовдорлогдох, ад шоо болох, тээршээгдэх) - Баасан хот айлынхандаа ад үзэгдэж эхлэв. Л.Түдэв. Нүүдэл суудал., үзэгдсэн юм хол биш, өргөсөн юм хүнд биш [зүйр цэцэн үг] (хийгээгүй байж шантрах хэрэггүй гэсэн санаа).