Хур тунадасны улмаас үлэмж нэмэгдэх ус - Орой болтол үер зогссонгүй. Хамар хашааны айлууд усанд автаж зутарч дэлгэрэнгүй...байгаа гэнэ. С.Эрдэнэ. Өгүүллэгүүд., үер авах (үерийн ус барилга байшин, тариа ногооны талбайг эзлэн урсгаж үгүй хийх), үер буух (их устай бороо орсноос их хэмжээний ус цуглах), үерт автах (их усанд автах), уулын үер (уулнаас буух их ус), шар усны үер (хавар цас мөс, мөсөн гол, уул нурууны цас хайлснаас үүсэх их хэмжээний ус), үерийн хамгаалалт (үерийн аюултай нөлөөнөөс урьдчилан сэргийлж, тодорхой нутаг дэвсгэр, барилга байгууламжийг хамгаалахад чиглэгдсэн усны аж ахуй, усны болон ойн хамгаалалтын арга хэмжээ), үер ус [хоршоо] (их хур тунадас буусны улмаас үүсэх ус), үер усны аюул (их усны шамшиг), *үерийн ус шиг (а. Маш их; б. [шилжсэн] Хүч түрэх) - Үерийн ус нулимс урсгах болж гэнэ. Ш.Гаадамба. Элбэг дээл., үерийн ус ирвэл үүд хоймор ялгаагүй, үхлийн цаг ирвэл хөгшин залуу ялгаагүй [зүйр цэцэн үг] (үхэл хэнийг ч ялгадаггүй гэсэн санаа).