Хүнийг явах, аянд мордоход даган гаргаж өгөх: үдэх ёслол (зочдыг хүндэтгэлтэйгээр гаргаж өгөх ёс дэлгэрэнгүй...заншил), үдэн гаргах (аян замд нь гаргаж өгөх), үдэж мордуулах (үдэн явуулах, мордоход нь дагаж гаргаж өгөх), зочдыг үдэх (зочдыг гарган өгөх) - Овор гавжийг суулгасан ногоон чарга хажуугийн айлыг тойрон далд ортол зогсон зочноо үдэв. Б.Нямаа. Арандалынхан., нулимсаар үдэх (бусдыг гарган өгөхдөө нулимс унаган хоцрох), харцаараа үдэх (бусдыг гарган өгөхдөө үг хэлэхгүй харсаар хоцрох), *эцсийн замд нь үдэх (нас барсан хүнийг оршуулах) - Хүү бид хоёр хайртнаа эцсийн замд нь үдсэнээс хойш ганц долоо хоног болж байна. П.Чойжил. Хагацал үзсэн эрийн бодол., үдэх цаг байхад угтах цаг бий [зүйр цэцэн үг] (явсан хүн ирдэг, хүнийг үдэж явуулдаг ч бас угтаж авдаг ёс бий гэсэн санаа).