Үнэрлэх эрхтний сэрэгдэхүүн: анхилам үнэр (таатай сайхан үнэр), аргалын үнэр (аргал дэлгэрэнгүй...түлэхэд гарах үнэр), өмхий үнэр (муухай, өмхийрсөн зүйлээс гарах үнэр), хурц үнэр (огцом, эвгүй сэтгэгдэл төрүүлэм үнэр), үнэр авах (а. Ан амьтан хүний үнэр сэрэх, авах; б. [шилжсэн] Сэжиглэх, хэрэг явдлын тайлагдах сэжүүр олох), үнэр анхилах (таатай үнэр гарах), үнэр гарах (үнэр мэдрэгдэх), үнэр авхуулах (а. Үнэрээрээ мэдэгдэх; б. [шилжсэн] Ямар нэг юмны сэдэв мэдэгдэх), үнэр гаргах (а. Үнэр бий болгох; б. Муухай үнэр үнэртүүлэх), үнэр гутах (муухай үнэртэх), үнэр орох (а. Юмны өмхийрөн завдах; б. Юманд бусдын үнэр халдах), үнэр ханхлах (ямар нэгэн үнэр их гарах, хамарт мэдрэгдэх), үнэр шингэх (үнэр нь авд гарахгүй болох) - Дуртай газраа бууж майхнаа шаагаад, утааны үнэр шингэсэн борцны шөл, таанын айраг ууж ёстой тааваараа явна. С.Эрдэнэ. Өгүүллэгүүд., амт үнэр ~ үнэр амт [хоршоо] (ам болон хамарт хүртэх сэрэхүй, амтлах үнэртэх сэрэхүй) - Хасар ба Зэлмэ хоёуланд хуваан уулгасанд сая үнэхээр амнаас урсан хоолой руу орж үнэр амтны үлтгэшгүйг мэдэв. В.Инжиннаши. Хөх судар., үнэр танар [хоршоо] (юмнаас гарч үнэрлэх эрхтэнд мэдрэгдэх зүйл) - Дор нь гал түлж утаа шингээн, ялаа батгана сууж, үнэр танар орохгүй болгов. Б.Ринчен. Заан залуудай., *үнэр авах (амархан мэдэх, сэжиг авах) - Зах хязгаар нутгийн хүмүүс “шарсан мах анддаггүй шар зурхайч шиг” юмны үнэр авахдаа гойд болохыг та надаас илүү мэднэ. Ж.Дамдиндорж. Суваргын нууц., *үнэр авхуулах (сэжиг авхуулах, сэжиг төрүүлэх) - Оройн салхины чиг яг өөдөөс нь байх тул чононд харагдаж л орхихгүй бол үнэр авхуулчих бий гэж сэтгэл зовох юм байхгүй ажээ. Б.Бааст. Алтайн хөх дөнөн., *үнэрээр нь өл дарах (а. Хойноос нь хоосон гуйж, даган баясаж биеэ хуурах; б. Бүтэшгүй зүйлээр өөрийгөө хуурах), *хүний үнэр (хүний мөс чанар, хүнлэг чанар), *хүний үнэрээ алдах (хүний шинжгүй зан гаргах), үнэр мэдэхгүй хүнд зандан хайран, үг мэдэхгүй хүнд сургаал хайран [зүйр цэцэн үг] (үг авахгүй хүнд юм хэлэх хэрэггүй гэсэн санаа).