Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ААВ

1. Өөрийн эцгийг дуудах үг;

2. Төрсөн эцэг - Нарс гэдэг модоор наадмыг минь сийлсэн аав минь дээ хө. ААЗ, аав ээж [хоршоо] (эцэг эх) - Эцэг тэнгэр дэлгэрэнгүй... В.Инжаннаши. Хөх судар., *аавын чээж (а. Хаахгар, давлиун зантай хүүхэд буюу залуу - Ахмад хүний дэргэд их үг хэлж болохгүй. Тэгвэл аавын цээж гэж муу хэлнэ. С.Дашдооров. Говийн өндөр; б.[яриа] УАЗ маркийн бага оврын ачааны автомашин), *аавын чээж гаргах (нас бага хүүхэд хаахгар, давлиун зан гаргах) - Одоогийн багачууд даан ч настай хүний үг авахгүй, аавын цээж гаргаад байх болчихжээ. Д.Мягмар. Нэгэн байшингийн түүх., *аавын шийр хатаах (аавынхаа ажил үйлсийг үргэлжлүүлэх), *аавдаа адуу манахыг заах ~ аавдаа авгай авахыг заах (а. Мэдээжийн юмыг заах; б. Дэмий, илүү үг ярих), *аавынд орох ~ *аавынд суух ~ *аавынд очих ~ аавын хаалга татах (шоронд орох), аавын бийд хүн тань, агтны бийд газар үз ~ аавын бийд хүнтэй танилц, агтны бийд газар үз [зүйр цэцэн үг] (аливаа ажил үйлийг тусалж зөвлөх хүн буй бололцоотой үед нь амжиж хий гэсэн санаа), аавын сургаал алт, ээжийн сургаал эрдэнэ [зүйр цэцэн үг] (аав ээжийн үг сургамж алт эрдэнээс үнэ цэнтэй гэсэн санаа), аавын хүү адилгүй, арван хуруу тэгшгүй [зүйр цэцэн үг] (хүн бүхэн адилгүй, хүний авьяас чадвар ч юм бүхэнд адилгүй гэсэн санаа);

3. Төрсөн эцэгтэй адилтган үзэх хүндтэй хүн: өргөсөн аав (үрчлэн авч өсгөсөн аав), тэжээсэн аав (өөрийн хүүхэд адил дэлгэрэнгүй...

буурал аав	а. Өвөг эцэг; б. Өвгөн аав, өндөр настай аав
өвгөн аав	аавын эцэг
хадам аав	эхнэр, нөхрийн эцэг
хойд аав	төрсөн эцгийн дараагаар төрсөн эхтэй суусан хүн
аав ээж	эцэг эх
аавын цээж	а. Хаахгар, давлиун зантай хүүхэд буюу залуу - Ахмад хүний дэргэд их үг хэлж болохгүй. Тэгвэл аавын цээж гэж муу хэлнэ. С.Дашдооров. Говийн өндөр; б. [яриа] УАЗ маркийн бага оврын ачааны автомашин.
аавын цээж гаргах	нас бага хүүхэд хаахгар, давлиун зан гаргах
аавын шийр хатаах	аавынхаа ажил үйлсийг үргэлжлүүлэх
аавдаа адуу манахыг заах ~ аавдаа авгай авахыг заах	а. Мэдээжийн юмыг заах; б. Дэмий, илүү үг ярих.
аавынд орох ~ аавынд суух ~ аавынд очих	шоронд орох
аавын хаалга татах	шоронд орох
аавын бийд хүн тань, агтны бийд газар үз	аливаа ажил үйлийг тусалж зөвлөх хүн буй бололцоотой үед нь амжиж хий гэсэн санаа
аавын сургаал алт, ээжийн сургаал эрдэнэ	аав ээжийн үг сургамж алт эрдэнээс үнэ цэнэтэй гэсэн санаа
аавын хүү адилгүй, арван хуруу тэгшгүй	хүн бүхэн адилгүй, хүний авьяас чадвар ч юм бүхэнд адилгүй гэсэн санаа
өргөсөн аав	үрчлэн авч өсгөсөн аав
тэжээсэн аав	өөрийн хүүхэд адил үзэж өсгөн бойжуулсан аав

"Аавын бийд газар үз" гэж сүүлийн үед хэд хэдэн удаа олон нийтийн мэдээллийн хэрэгслээр сонсдох боллоо. Ухаад үзвэл, эцэг, эхийнхээ мөнгөөр гадаад, дотоод их яв гэсэн утга гараад байх шиг

Аавын бийд газар үз,

Зочин 2015-02-16 16:38:03

"Аавын бийд газар үз гэвэл Агтны бийд хүн тань" гэхээс өөр аргагүй. Тэгвэл, сайхан морь (машин) унаад хүмүүст гайхуул гэсэн санаа аяндаа гарна даа

Аавын бийд газар үз, Агтны бийд хүн тань.

Зочин 2015-02-16 16:39:10

Аавын бийд хүнтэй танилц, агтны бийд газар үз гэдэг.

Аавынхаа амьд сэрүүн дээр их зүйлийг сурч мэдэж ав гэсэн санаа, хурдан сайн агттай бол газар орныг хурдхан шиг судлаад авах нь чухал бус уу.

Зочин 2019-12-04 16:42:59