1. Гүнээ хүндэтгэвэл зохих эрхэм тус, сайн буян - Би чиний ачийг мартахгүй. Л.Түдэв. Алтан гадас чигийг заана., ач хариулах (тус болсны хариу барих), аавын ач (аавын буян), багшийн ач (багшийн эрдэм тус), ээжийн ач (ээжийн ивээл), ач буян [хоршоо] (хайр хишиг, ивээл) - Оюун билиг сайт эзэн ноёны ач буянаар өдий зэрэгтэй явна. Модны шастир., ач гавьяа [хоршоо] (сайн үйл, зүтгэл) - Урьдын ач гавьяаг бодоод жанчих хүн нэг ч олдсонгүй билээ. Н.В.Гоголь. Тарас Бульба., ач ивээл [хоршоо] (ачлан тусалж өршөөн тэтгэх нь), ач нөлөө [хоршоо] (тус дэм, үлгэр дуурайл) - Өөрийн тань биеийн ач нөлөө юм шүү. Н.Лесков. Зовлонгийн далай., ач тус [хоршоо] (тус нэмэр) - Тарвагыг авахаар ач тус болох юмыг эрж гэнэ. Монгол ардын домог үлгэр., ач хүч [хоршоо] (энэрэл хайр, халамж), ач холбогдол [хоршоо] (тухайн үйлийн үр дүн, үр ашиг), ач эрдэм [хоршоо] (эрдэм буян) - Харилцан учирваас ач эрдмийг шүтэн санах сүнс буй. В.Инжаннаши. Улаанаа ухилах тэнхим., ачийг бачаар, тусыг усаар [зүйр цэцэн үг] (хүний ачийг үл тоох төдийгүй, тусалсны хариуд хор хүргэх гэсэн санаа), ачийг ачаар хариул [зүйр цэцэн үг] (хүний ачийг умартахгүй байх гэсэн санаа);