Хүний төрөлхийн ба амьдралын явцад төлөвшин тогтсон зан байдал, ааш авир: ааль муутай (ааш зан дэлгэрэнгүй...муутай), ааль сайтай (ааш зан сайтай), ааль эелдэг (ааш зан эелдэг даруу) - Үнэнхүү янаг сэтгэл нь эелдэг аалин чимэгтэй. Д.Равжаа. Зохиолын эмхэтгэл., ааль авир [хоршоо] (ааш зан хийгээд бусадтай харьцах харьцаа) - Өвчүүгээ хав хав түс түс хийтэл талхлан ааль авир дуудвай. Эндүүрэл хааны тууж., ааль араншин [хоршоо] (ааш зан), ааль журам [хоршоо] (зан ааш, ёс журам, авир байдал) - Харьшгүй сайхан ааль журмыг хадгалан сахижээ. Хуримын ерөөл., ааль зан ~ зан ааль [хоршоо] (зан байдал) - Ааль зан нь тогтуун бөгөөд хичээнгүй болбол, адаг боол боловч, дээд ноён болъюу. Субашид., галбир ааль [хоршоо] (бие галбир хийгээд ааш зан) - Үл ойлгогдох галбир ааль нь хүний сэтгэлийг соронзон эзэмдэх ил далдын увдистай билээ. С.Эрдэнэ. Хонгорзул., сайн аалиар нэр олох, муу аалиар нэр гутах [зүйр цэцэн үг] (зан сайтай бол хэн бүхэнд нэр хүндтэй, зан муутай бол хүн бүхэнд нэр нь муу гэсэн санаа).