1. Хийх, бүтээх, гүйцэтгэх: үйлдэн гүйцэтгэх (хийж гүйцэтгэх); буян үйлдэх (сайн үйл дэлгэрэнгүй...хийх, бусдад сайхан сэтгэлээр туслах) - Бурхан шашны төлөө буян үйлдэх учиртай хүн. Ж.Лодой. Бүрхэг шөнө., ёсчлон үйлдэх (ёсыг мөрдөх, ёсоор болгох) - Диймаа ч нөхрийнхөө үгнээс төдий гажсангүй, Буяндэлгэрийн хэлснээр ёсчлон үйлдэх болов. С.Дашдэндэв. Улаан наран., нүгэл үйлдэх (муу зүйл хийх) - Самуун дэгдэж шинэ засгийн өмнө хүнд нүгэл үйлдсэн Ац нутагт анхны улаантан ийм маягаар иржээ. Б.Нямаа. Арандалынхан., үймээн самуун үйлдэх (үймээн самуун өдөөх, хэрэг түвэг тарих) - Орчлонгийн орон ёсыг эс мэдээд, үймээн самууныг үйлдэж ямар тус болох вэ. Д.Равжаа. Зохиолын эмхэтгэл., угаал үйлдэх (угаал хийх), хоёр хувь үйлдэх (хоёр ширхэг хийх), хурим үйлдэх (а. Хурим хийх, хуримын ёс гүйцэтгэх; б. Найр наадам хийх) - Саглагар модны доор сайхан хурим үйлдэж сайтар бүжиглэн жаргаж санаа сэтгэл нэгдэв. Монголын нууц товчоо., үйлдэх явдлын зургаан [хуучирсан] (барилгын ажил, үр тариа, зам тээврийн эрхэлсэн зургаан яамны нэг), хийх үйлдэх [хоршоо] (юмыг бүтээн бий болгох), үйлдэгч хүн эс нийлүүлэгч тэнгэр [зүйр цэцэн үг] (хэрэг явдал санаснаар болохгүй гэсэн санаа);