1. Хүн, мал, амьтны нэгийг нөгөөгөөс ялгаж чадах, юмыг мэдэх, олж харах - Та дүүгийн минь хичээж авсан тэр дэлгэрэнгүй...зургуудыг үзээд хожим нь ээжтэй уулзвал лав таних нь магад. Л.Дашням. Нялх ногоо., таних тэмдэг (ялгаж мэдэх тэмдэг), таних хүн (зүс мэдэх хүн) - Энэ үг Данзанд тун аятайхан сонстох боловч энд мөргөх багш байтугай таних хүнгүйгээ санан гутрав. Д.Намаг. Цаг төрийн үймээн., таних дуу гарах (мэддэг дуу гарах), ухаж таних (юмны утга учрыг уг ёзоороос нь сайтар мэдэх), таньж мэдэх (юмны онцлог чанар, нөгөө зүйлээс ялгагдах ялгааг олж мэдэх), малаа таних (малаа зүс зүсээр нь мэдэх), өвчин таних (өвчнийг шинж тэмдгээр нь оношилж мэдэх), танин мэдэхүйн онол (мэдлэг бодит байдалд хэрхэн холбогдохыг судлах гүн ухааны салбар), таниагүй газар там, танихгүй хүн буг [зүйр цэцэн үг] (танихгүй хүнтэй хамаагүй бүү нөхөрлө гэсэн санаа), таньдаг хүндээ хайлсан тугалга, таньдаггүй хүндээ хадаастай гутал [зүйр цэцэн үг] (зусар, бялдууч, хоёр нүүртэй гэсэн санаа), таньсан хүн талын хужир, танихгүй хүн тайгын гөрөөс [зүйр цэцэн үг] (таньж мэддэггүй хүн тайгад яваа гөрөөс мэт хол гэсэн санаа), танихаасаа урьд талын хоёр гөрөөс, танилцсан хойноо тагнайн хоёр судас [зүйр цэцэн үг] (таньсан хүн талын хужир, танихгүй хүн тайгын гөрөөс);