1. [ургамал] Том ногоон хавтгай навчтай, цацаг хэлбэрт баг цэцэг нь ишийнхээ оройд дэлгэрдэг, тамхины гол түүхий эд дэлгэрэнгүй...
болдог нэг наст өвслөг ургамал: тамхи тарих (тамхины ургамал тарих), тамхи хатаах (тамхины ургамал хатаах), тамхи хураах (тамхины ургамлыг хураан авах);тамхи тарих | тамхины ургамал тарих |
тамхи хатаах | тамхины ургамал хатаах |
тамхи хураах | тамхины ургамлыг хураан авах |
дүнсэн тамхи | цаасан ороодог задгай улаан тамхи |
улаан тамхи | дүнсэн тамхи |
хамрын тамхи | үнэрлэхэд зориулж хийсэн нунтаг тамхи |
хар тамхи | а. ургамал Намуу цэцгийн төрлийн урт бөгөөд том навчтай, цагаан ба улаан цэцэгтэй ургамал; б. Мөн ургамлыг гүйцэд боловсроогүй байхад огтолж хатааж боловсруулсныг нь |
шар тамхи | нэг төрлийн хамрын тамхи |
тамхи нэрэх | хоёр хүн гаансныхаа толгойг нийлүүлэн, тамхи асаах хүн сорж, өгөх хүн үлээх |
тамхи татах | а. Тамхины утааг амаар сорох, уушгилах - Гурав хоног тамхи татсангүй. дөрөв дэх өдөр нь огт санамсаргүй татлаа. тав дахь өдөр нь татлаа. зургаа дахь өдрөөс нь гутарч эхэллээ. П.Лувсанцэрэн. Хөдөөгийн дуун; б. Хамрын тамхийг хамраар сорох |
тамхинаас гарах | тамхичин хүн тамхи татахаа болих |
тамхинд орох | тамхины утааг сорох буюу хамрын тамхийг үнэрлэсээр түүнд тэсгэлгүй шунахай болох, тамхи татах зуршилтай болох |
тамхины бохь | гаансанд тогтсон хар өнгөтэй нялцгай зүйл |
тамхины уут | тамхиа хийх уут |
тамхины хөөрөг | хамарт үнэрлэх тамхийг агуулах жижиг сав |
тамхины хор | тамхины ургамалд агуулагдах хүний биед хортой элдэв бодис |
тамхины шүлт | тамхинд агуулагдаж байдаг амьд бодисын шүлт, өнгөгүй буюу шаравтар шингэн биет, эхүүн үнэртэй бөгөөд маш хортой зүйл хорхой алах эм хийдэг |
гаанс тамхи | тамхи болон түүнийг татах хэрэгсэл |
тамхиар таг танилаар яг | а. Юу ч үгүй, хоосон; б. Найз нөхөргүй гэсэн санаа |
тамхийг нь татаад тарыг нь танина | танилцаж нөхөрлөөд тарыг нь мэдэх гэсэн санаа |
тамхи татах тагнайн жаргал танилтайгаа уулзах сэтгэлийн жаргал | найз нөхөртэй хүн сэтгэлээрээ баян гэсэн санаа |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он