НҮД I

1. Хүн, амьтны харах эрхтэн; цэцгий, аньсага, нулимсны булчирхай зэргээс бүрдэнэ: нүдний уг (хүүхэн дэлгэрэнгүй...


2. Сараалжлан дөрвөлжилсөн хэсэг буюу нэг нүх: нүдний төмөр (саадгийн нүдний дор хадсан гурван хэсэг төмөр), ханын дэлгэрэнгүй... (монгол гэрийн хананы жижиг дөрвөлжин хэсэг, нүх) - Тамгын газрын гэрүүдийн дээврийг нь шамалж, туургыг нь буулгаад, хаалга, цонх ханын нүд тоолонгоор шүдээ хавиран муухай аашлан загнацгаажээ. С.Дашдэндэв. Улаан наран., шургуулганы нүд (шургуулганы жижиг өрөө, хэсэг), өвдөгний нүд (өвдөгний тойгийн доод талын бяцхан эмзэг хонхор), нүд гарах (битүү бүрхсэн зүйл зарим нэг газраараа цоорох, нүх гаран харлах), цас нүд гарах (цас зарим нэг нимгэн газраараа хайлан цоохортох);

3. Юмны цоохор толбо: тогосны нүд (тогос шувууны өдөн дээр байх цоохор толбо) - Улаан эрдэнэ чулуун жинс, гурван нүдний дэлгэрэнгүй... С.Дашдэндэв. Улаан наран., цэмбэний нүд (цэмбэн дээр байгаа цоохор толбо), ертөнцийн нүд [ёгт] (нар);
4. Хоёрын тооны ёгт нэр.

нүдний уг хүүхэн харааны чанх эсрэг тал дахь нүдний дотор талын хэсэг
нүдний үүл нүдэнд үүссэн цагаан толбо
нүдний тар зовхины ирмэг
нүдний цагаа нүдний үүл
нүдний цагаан нүдний цэцгийн гадуурх
нүдний цэцгий нүдний хүүхэн хараа
хар нүд нүдний цэцгийн гаднах дугариг
хар нүдэн бүсгүй нүдний цэцгийн гаднах дугариг нь хар өнгөтэй бүсгүй
харах нүд а. Өөрийн нүд Харах нүдэнд гийсэн саран чи минь. Ж.Бадраа. Уяхан хорвоон хань б. [шилжсэн] Тэтгэж асардаг хүн
хурц нүд а. Нүдний хараа маш сайн б. Ширүүн харцтай нүд в. [шилжсэн] Гярхай
нүд далд харах эрхтэнд үзэгдэж харагдахааргүй
нүд муутай а. Хараа сайнгүй б. [шилжсэн] Гярхай биш
нүд сайтай хараа хурц
нүд бүрэлзэх юмыг сайн ялган харж чадахгүй болох
нүдний шил харах эрхтэнд зүүх хэрэгсэл
нүдний эмч харах эрхтнийг эмчлэх талаар нарийн мэргэшсэн эмч
нүд аних

а. Нүд хамхих - Нүдээ анин хэвтэж байлаа. Ч.Лодойдамба. Тунгалаг Тамир; б. [шилжсэн] Нас нөгчих - Нүд анихдаа хонхны дуу сонсох гэсэн юм. Ч.Лодойдамба. Тунгалаг Тамир; в. [шилжсэн] Үл мэдэгч болж дуугүй өнгөрөх - Хэрэв дутагдал байвал ч нүд аниж өнгөрөхгүй шүү дээ. Ч.Лхамсүрэн. Замын буудалд.

нүд алдах а. Алсыг харж гүйцэхгүй байх; б. [шилжсэн] Их олон зүйл зэрэг харж төөрөлдөх
нүд гялбах гэрэл хурцдан харж чадахгүй байх
нүд дасах а. Байнга харсаар анзаарч, тоохоо болих; б. Өөр нөхцөлд харж чадах
нүдээрээ инээх харцанд нь баяр хөөр илрэх
нүд имнэх нүд ирмэх
нүд ирмэх харах эрхтнээ хөдөлгөн дохих
нүд улайх а. Нүдний нальх улаан болох; б. [шилжсэн] Ичиж зовохгүй зүтгэлэх
нүд сохрох хараагүй болох
нүд хорсох а. Сонгино зэрэг аагтай зүйл харснаас болж нүднээс нулимс гоожих; б. [шилжсэн] Үзэн ядах
нүдэнд тусах бусдаас ялгаран харагдах
нүд яргах хүн, амьтны харах эрхтэн хатгах мэт өвдөх
нүднээс далд орох холдож зайлах
нүднээс далд болгох алах
нүдэн гийх дотор онгойх
нүд алдам зах хязгаар нь үл харагдах уудам, хараа хүрэхгүй
нүдээ алдах юмыг зөв харж бодтой үнэлж чадахгүй байх
нүд булаах өнгө үзэсгэлэн сайханд өөрийн эрхгүй дур татагдан хармаар байх, анхаарал татах
нүд буруулах ямар нэгэн зүйлийг хараагүй мэт дүр эсгэн өнгөрөх, харж чадахгүй айх
нүд бүлтрэх а. Хүн, амьтны харааны эрхтэн аяганаасаа гарах; б. [шилжсэн] Ихэд гайхан хачирхах
нүдээ бүлтэртэл гоёх ихэд хээнцэрлэн гангалах, ихэд гоёж гоодох
нүдээ бүлтийлгэх а. Ихэд гайхах - Та хоёр суугаад жил болоход чи юутай болов. Нүдийг чинь бүлтийлгэчихэв үү Д.Даржаа. Чулуун хөшөө шиг болсон нь; б. Уурлах, бачимдах
нүд бэлчээх юм юмыг сониучирхан харах
үнэгний нүд залгих унтахаа болих
нүд дүүрэн аятай, үзэмжтэй, мах мариатай
нүднээс гарах ихэд турж эцэх, царай зүс муудах
нүд ирмэх зуур нүдний аньсага хамхих хооронд маш хурдан, түргэн зуур
нүд цавчих зуур нүд ирмэх зуур, хоромхон зуур
нүд гүйлгэх хурдан, зэрвэсхэн харах
нүд гүйлгэн унших зэрвэсхэн харж хурдан унших
нүдийг нь олох хийвэл зохих зүйлээ онож хийх
нүд нь орой дээрээ гарах а. Ихэд сандрах, айн балмагдах; б. Мэл гайхах
нүд нь том болох нүд нь орой дээрээ гарах
нүдийг нь өвчих нүдний өнгө, хэлбэрийг нь ихэд дуурайн төрөх, адилхан байх
нүд нь өөхлөх ихэмсэг бардам зантай болж хэр баргийн зүйлийг тоохоо болих
нүд тавих анхаарал тавьж харах хянах
нүд тайлах их юм үзэж мэдэх, амьдралын туршлага суух
нүд тулах а. Өөд өөдөөсөө харах; б. Уулзан учрах
нүд хорхойтой үзсэн юмандаа шуналтай
нүд хөхрөх хэн нэгэн болон ямар нэгэн зүйлийг харуулдан хүлээх
нүд унагах ихэд шохоорхон сонирхох
нүд ухах аашилж загнах
нүдээ ухуулах ихэд аашлуулж загнуулах
нүд улайлгах а. Ичиж зовохгүй зүтгэлэх; б. Ихэд уурсах
нүд үзүүрлэх ад үзэх, гадуурхах
нүд шүдээ үзүүрлэх хор шар нь буцлах
нүд халтирах эгцлэн харж чадахгүй халгах
нүд хариулах далдуур, сэм ажиглах
нүд хорсгох дургүй, зэвүү хүргэх
нүд хужирлах а. Юмыг шимтэн үзэх; б. Олон юм үзэж гайхан бахдах в. Хүссэн зүйлээ үзэж сэтгэл ханах
нүд хуурах а. Хүссэн зүйлд нь ялимгүй бага юм өгсөн болж өнгөрөөх; б. Ажлыг оромдох, хийсэн нэр зүүх
нүд хурцлах хичээж харах
нүд чичих бусдаас онцгойлон зааж зандрах, гадуурхан өө сэв эрэх
нүд чичлэх адлан загнах
нүдний хор гаргах дуг хийх, хэсэгхэн хугацаанд унтаад авах
нүдний хор орох олны анхаарал, шохоорхлыг татах
нүдний булай а. Маш үзэмжгүй зүйл; б. [шилжсэн] Шившигтэй, таагүй хэрэг
нүдний булай болох шившигтэй, таагүй хэрэг явдал үйлдсэн нь олонд мэдэгдэх
нүдний цагаанаар үзэх үл тоомсорлох, ойшоохгүй байх
нүдний цэцгий мэт хайрлах эрхэмлэн хайрлаж нандигнах
нүдний гэм маш ховор
нүдний үзүүрт алс хол, маш хол
нүдэнд дулаан харахад таатай сайхан сэтгэгдэл төрүүлэхүйц, аятай
нүдэнд хүйтэн харахад таатай бус, эвгүй сэтгэгдэл төрүүлэхүйц, аягүй
нүдэнд өртөхгүй а. Маш жижигхэн б. [шилжсэн] Анхаарал татах онцгой гойд зүйлгүй
нүдээ өгөх шахах ямар нэгэн зүйлд ихэд шунан дурлах
нүд болох

а. Замчлах; б. Олны өмнө шившгээ дэлгэх

нүд чих болох а. Хүүхэд, хүний өтгөс настанд юм үзэж, сонсоход нь тус дэм болох; б. [шилжсэн] Итгэл найдвартай түшиг болох гэсэн санаа
нүдээ ухаж өгөхөөс буцахгүй юу ч хийхээс буцахгүй байх
нүдээ ширгэтэл харах ихэд харуулдан хүлээх
харах нүд хазах шүд минь билээ харж ханддаг, тусалж дэмждэг хүн билээ
нүдэн балай чихэн дүлий тухайн зүйлд дургүй учраас үзээгүй, сонсоогүй мэт байх гэсэн санаа
нүд байгаад сохор чих байгаад дүлий а. Хэрэг явдлыг ялгаж таних чадваргүй болсон б. Хэрэг явдалд анхааралгүй гэсэн санаа
нүд нь нүх нүүр нь шүүр ичгүүр сонжуур, эрээ цээргүй гэсэн санаа
нүд нь од хуруу нь жад юм бүхэнд хамгаас түргэн хурц хардаг завдамтгай гэсэн санаа
нүдний хог шүдний бог ад үзэгдэн шоовдорлогдсон гэсэн санаа
нүдэндээ галтай, нүүрэндээ цогтой цог жавхлантай, цог заль нь бадарсан, сэргэлэн
мөнгө цагаан нүд улаан хэтэрхий их шуналтай, мөнгө олохын тулд яахаас ч буцахгүй байх гэсэн санаа
бурууд нүд хурц, болсонд шүд хурц өө сэвийг нь сайн харах гэсэн санаа
нүдний эм уулын хажуу, хад чулууны завсар, голын хөвөө, ой модон дотор ургадаг, бут мод цэцгийг нь нүд эмчлэхэд хэрэглэнэ
лууны нүд хавар зуны завсраар цэцэглэдэг бяцхан цэцэгтэй, намар жимс нь хонгорцоглон ургадаг, моголцог бөмбөг мэт хэлбэртэй хатуу хальстай, модонд ургадаг амт сайтай нэгэн зүйл жимс
үхрийн нүд а. Ой тайга, голын дагуух шугуйгаар сөөг сөөгөөр ургадаг намхан мод б. Мөн модны хар хүрэн өнгөтэй жимс, улаалзганатай төстэй, жимсээр чанамал хийх болон архи нэрэхэд хэрэглэнэ
хонины нүд дэлгэрэнгүй цэцгийн язгуур уулын таг, энгэр өвөр газраар ургадаг дугуй цайвархан цэцэгтэй
хэрээний нүд иш бүдүүн, хайрслаг навчтай, цайвар ногоон цэцэгтэй, улаан хүрэн жимсгэнэтэй, хээр ургадаг олон наст ургамал үхдлийн идээ
нүдний төмөр саадгийн нүдний дор хадсан гурван хэсэг төмөр
ханын нүд монгол гэрийн хананы жижиг дөрвөлжин хэсэг, нүх
шургуулганы нүд шургуулганы жижиг өрөө, хэсэг
өвдөгний нүд өвдөгний тойгийн доод талын бяцхан эмзэг хонхор
нүд гарах битүү бүрхсэн зүйл зарим нэг газраараа цоорох, нүх гаран харлах
цас нүд гарах цас зарим нэг нимгэн газраараа хайлан цоохортох
тогосны нүд тогос шувууны өдөн дээр байх цоохор толбо
цэмбэний нүд цэмбэн дээр байгаа цоохор толбо
ертөнцийн нүд нар
Ижил үг:

НҮД II: