1. Асааж гэрэл гаргах зориулалтаар дотор нь бүдүүвтэр утсан гол суулгасан тослог зүйл, лаваар хийсэн дэнгийн зул: дэлгэрэнгүй...лаа асаах (лавын дэн асаах; лааны голд гал ноцоох) - Лаа асааж гэрэл гаргаад харав. Д.Мягмар. Нийлэх замын уулзварт., лаа барих (лаа асаах), лаа сүүмэлзэх (салхинд лааны гэрэл гуйвалзан бүдгэрэх) - Лаа сүүмэлзэж байснаа бадамлаад уналаа. Ч.Чимид. Хавар намар., лаа хийх (лаа бүтээх, лаа үйлдвэрлэх), лаан баримал (лааны хүчил, тосон будгийг лаанд найруулаад, өнгө будгийн ялгарлаар амьд мэт харагдуулах баримлын урлаг), лааны бадам (шатаж байгаа лааны голын үзүүрт бөөгнөрсөн хөө), лааны гол (лааны тосонд суулгасан гал ноцоох нарийн утас) - Дуламханд Доржийг хараад “За, за, үг олдож үхэр холдох нь. Эмээ минь ч ядарч байгаа байх” гээд лааны голыг чимхэн гэрэл унтраажээ. Б.Бааст. Алтайн хөх дөнөн., лааны гэрэл (лаа ноцооход гарах гэрэл), лааны нулимс (асаж буй лаанаас хайлан дуслах тос), лааны суурь (лааг босоогоор хатгаж тогтоох тавиур), лааны тавиур (лааны суурь), лааны тос (лаа хийдэг лаав), лааны хатгуур (лааны тавиур), лааны хэв (лаа цутгах хэв), хайлган лаа (амархан урсдаг лаа), дэнлүү лаа ~ лаа дэнлүү [хоршоо] (гэрэл гаргах хэрэгсэл), лаагаа ч иднэ үү, гуагаа ч иднэ үү [зүйр цэцэн үг] (яасан ч яахав гэсэн бодолтой хүмүүсийг зэмлэсэн хэллэг);