1. Улсын ба албан байгууллагын ажил үйл: алба залгуулах (а. Албаны ажлыг гүйцэтгэх; б. Юмыг ёс төдий дэлгэрэнгүй...хуумгай хийх), алба нөхөх [хуучирсан] (бусдын төлөөнөөс алба залгуулах), алба өнгөрөөх (а. Алба залгуулах; б. Ажил үүргийг ор нэр болгох), алба үглэх (а. Албан тушаалаас чөлөө гуйх; б. Ноогдсон албан татвар ихдэв гэж хөнгөлөхийг гуйх), алба хаах (а. Албан байгууллагад үүрэг биелүүлэх; б. Цэрэгт явах; в. Ор нэр төдий гүйцэтгэх), алба хаших (ажил эрхлэх, албан тушаал хаших), албан томилолт (албаны ажил хэргээр үндсэн ажлын газраас өөр газарт түр ажиллуулахаар томилсон томилолт), албан тушаал (ажил алба эрхлэхэд хүлээх үүрэг), албан хаагч (оюуны хөдөлмөр эрхлэн, тогтсон хэмжээний цалин авдаг хүмүүс, улсын байгууллагын ажилтан), алба хашиж ам бөглөх (хэн нэгний шахалтаар ямар нэг ажлыг ор нэр төдий хийх), албан байгууллага (алба ажил эрхлэх газар), албан бичиг (алба ажилтай холбоотой бичиг), албан бичгийн найруулга [хэл шинжлэл] (албан харилцаанд хэрэглэж байгаа баримт бичгийн хэл найруулга), албан бичгийн нүүр (албан бичгийн эхэнд байх тусгай тэмдэглэл), албан бичгийн огноо (албан бичгийн он, сар, өдөр), албан бичгийн шугам (ХIII зууны сүүлчээс монгол албан хэрэгт хэрэглэж байсан гэрэлтүүлгэн шугам, хатуу шугам, бараан шугам), албан газар (нэгж байгууллага), албан мэдээ (ажил албаны холбогдолтой мэдээ), албан паспорт (гадаад улсад албан ажлаар явах паспорт), албан хэрэг (албаны газар эрхэлбэл зохих хэрэг) - Сайн түшмэлд албан хэргийг нь хүлээлгэж өгөх болохоороо бас нэг арга зохиожээ. Монгол ардын үлгэр., албан ял (албан хариуцлага алдсанд оногдсон ял шийтгэл), албанд орох (ямар нэг ажилд орох), албанд томилох (тодорхой албан тушаалд томилох), албаны мал [хуучирсан] (а. Манжийн төрийн олон зүйл алба залгуулахад зориулж, тусгайлан бэлтгэсэн мал; б. Улсын данстай мал), албаны унаа (албан ажилд зориулсан унаа), албаны хувцас (цэрэг, цагдаа зэрэг албаны хүмүүсийн өмсөх тусгай дүрэмт хувцас), албаны хүн (албан хаагч), албаны чөлөө (ажил албаас түр авах чөлөө), төрийн алба (төрийн ажил), цэргийн алба (цэргийн үйл), хааны алба (хааны ажил үйл), хааны алба халаатай, эзний алба ээлжтэй [зүйр цэцэн үг] (удирдах албан ажил нь ээлж солиотой байдаг гэсэн санаа), алба ахуй [хоршоо] (ажил ахуй), алба ажил ~ ажил алба [хоршоо] (ажил төрөл); Ойрдоо алба ажил гэж шогшсоор зав муутай байна. Н.Банзрагч. Зам., алба ашиг [хоршоо] (ажил хэргийн бүтэмж) - Адал мал хөрөнгө алба ашгаар татуу би. Монгол ардын баатарлаг тууль., алба хэрэг [хоршоо] (ажил хэрэг);