1. Амьтны амийг таслах, амийг нь хөнөөх: Алах дайсан уу, аврах бурхан уу. “Цог” сэтгүүл., буудан алах (буудан, амийг нь хөнөөх), өлсгөж алах (өлсгөж үхүүлэх), алах талах [хоршоо] (хүч хэрэглэн алж устган эд зүйлийг нь дээрэмдэх) - Эзэн түр алах талахыг хэлтрүүл хэмээн шүтэн биширч… В.Инжаннаши. Хөх судар., алах хядах [хоршоо] (үй олноор хөнөөх, үгүй хийх), *алаагүй баавгайн арьсыг хуваах (олоогүй олзыг хуваах), *цусгүй алах (а. Цус гаргалгүйгээр алах; б. Хүнийг оргүй гүтгэж, хэрэгт унагах - Харин цаад Няндаг чинь намайг цусгүй алах нь дээ. Ц.Доржготов. Тэнгэр дуугарахын өмнө), ална ч гэсэн мэдэхгүй, аварна ч гэсэн мэдэхгүй [зүйр цэцэн үг] (а. Хэл нэвтрэлцэхгүй; б. Бичиг үсэг мэдэхгүй), албал ахадна, алгадвал багадна [зүйр цэцэн үг] (хэрэг хийсэн хүнд тохирох шийтгэл нь олдохгүй гэсэн санаа);