Буян хишиг хурайлж, нас буянаа арвижуулах бэлгэдэл, бишрэлийн зан үйл; даллага авснаас хойш гурав хоног гадагш юм дэлгэрэнгүй...гаргах, мал худалдаж наймаалах тэргүүтнийг цээрлэнэ: даллага авхуулах (лам залж, даллагын зан үйлийг гүйцэтгүүлэх), даллагын сум (даллагын зан үйлд хэрэглэх нэг зүйл бэлгэдлийн зэмсэг; тохой хэр урт нарийн модны үзүүрт даавуугаар бүрсэн ноосон бөмбөлөг тавьж тогтоосон, түүний доод талд модныхоо гурван талд шувууны өдний имсгэл наасан, түүний дор гуулин буюу хүрэл толь болон таван өнгийн хив хадаг уясан, төмөр зэвтэй сум), даллагын уут (даллага авсан идээ будааны дээжийг агуулан хадгалах уут, сав суулга; монголын ихэнх нутагт шар торгоор бүрж, улаан торгоор амсарласан буюу улаан торгоор бүрж, шар торгоор амсарласан байдаг бол баруун монголд голдуу таг дээрээ эрдэнийн зүйлээр бөөлжиж буй хулгана, түүний дөрвөн талд найман тахилын зурагтай, доошоо шувтандуу хэлбэртэй, тэгш ёроолтой хайрцаг байдаг), даллагын хувин (даллагын зан үйлд хэрэглэх голдуу гурван бүслүүртэй, хоёр талдаа сэнжтэй, агар болон зэс, гууль, мөнгөөр хийсэн хувин; даллагын үед түүнд сүү, айраг таргийн аль нэгээр дүүргэж, хувингийн амсрыг шар тос, өрөм зөөхийгөөр чимнэ), жасаа даллага [хоршоо] (жасаа уншуулсан айлын даллага авах зан үйл), шувууны даллага (хаврын сар гарч, хамаг дэлхий төлжин, мал төллөх цагаар малын хишиг буян тогтоох зан үйл) - Урьдын цагт бол цагийн гачаалыг туулж, малаа бүрэн төллүүлсний баярт учрал гэж хишиг буян иртүгэй хэмээн шувууны даллага авдаг байсан юм гэнэ билээ. Л. Түдэв. Нүүдэл суудал.