1. Ар гэдгийн эсрэг утга, юмны өмнөх, энгэр тал, урд этгээд: уулын өвөр (уулын ‎энгэр, нөмөр дэлгэрэнгүй...х‎эсэг), өвөр газар (а. Уул давааны энгэр, нөмөр газар; б. [шилжсэн] Өвөр Монгол) - Аав ээж минь өвөр газрын Хөх хотноо нүүдлэн суусныг өвгөн багш... дурсдаг байсан билээ. Г.Батаа нар. Онцгой даалгавартан., Өвөр Монгол (БНХАУ-ын нутагт амьдардаг Монгол үндэстэн), Өвөр монголын Хөх хотод их сургуулийг 1957 онд байгуулав. Ц.Дамдинсүрэн. Монголын уран зохиолын дээж зуун билиг оршвой., өвөр зурхай (сур харвахад сур өрөх газрын нүүр этгээдэд хоёр нум хэмжиж, хана хасаанаас дотогш гурван метр зайд заагласан зураас; харвасан сум өвөр зурхайгаас дотогш тусвал дутсанд тооцно), ар өвөр [хоршоо] (аливаа юмны өмнө болон хойд тал), өндөр уулын өвөр дээр, өргөн голын зах дээр [зүйр цэцэн үг] (уул ус жигдэрсэн сайхан нутаг орон гэсэн санаа);