1. Бүсэлсэн дээлийн энгэрийн доторх зай: өвөртөө хийх (дээлийнхээ энгэрт хийх), өвөр дэлгэрэнгүй...
дүүрэн (урд энгэр дүүрэн) - Хоньчин Найдан сайхан цэцгүүдийг өвөр дүүрэн түүв. Д.Цэвэгмид. Зохиолын түүвэр., өвөр түрий [хоршоо] (бүсэлсэн дээлийн энгэрийн доторх зай болон гутлын зулгийн дээд хэсэг) - Хоёр хүүхэд “Аав аа! Идэх юм юү авчирсан бэ?” гэж Жамцын өвөр түрийг нэгжиж байна. Д.Нацагдорж. Монгол ардын суут., *өвөр түрийгээ тэмтрэх (ямар нэгэн зүйлийг эрж хайн хувцас хунараа нэгжих, байхгүйд сэтгэл зовох), *өвөр түрийдээ орох (дотно сайхан үерхэн нөхөрлөх, дотно харьцаа үүсгэх) - Өсөхөөс эхлээд өвөр түрийдээ орж, үерхэн нөхөрлөсөн найз Дэмбэрэлдээ муу санаж... билээ. П.Хорлоо. Хүйсийн хөндийд;өвөртөө хийх | дээлийнхээ энгэрт хийх |
өвөр дүүрэн | урд энгэр дүүрэн |
өвөр түрий | бүсэлсэн дээлийн энгэрийн доторх зай болон гутлын зулгийн дээд хэсэг |
өвөр түрийгээ тэмтрэх | ямар нэгэн зүйлийг эрж хайн хувцас хунараа нэгжих, байхгүйд сэтгэл зовох |
өвөр түрийдээ орох | дотно сайхан үерхэн нөхөрлөх, дотно харьцаа үүсгэх |
өвөрт орох | хучлага дотор нь орох |
өвөрт унтах | хэн нэгэнтэй нэг хөнжилд хамт унтах |
өвөрт хэвтэх | цуг хэвтэх |
өвөр зөрүүлэх | ханилан суух, гэрлэх |
өврөө нээх | бусдад биеэ өгөх |
өвөр сул | завхай, шалиг хүн |
цамцны өвөр | цамцны энгэрт байх бяцхан уут |
өвөр хармаа | энгэр талд байх хармаа |
өврийн ном | а. Багавтар хэмжээтэй гарын авлага; б. Лам нар айлаар явахдаа авч явдаг ойр зуурын хэрэгцээний судар |
өврийн дэвтэр | өвөртөлж явахад зориулсан жижиг дэвтэр |
өвөр хоосон | мөнгөгүй |
өвөр хоослох | өөрт байсан мөнгө төгрөгийг нь хуу хамж авах |
өвөртөө ганц улаан мөнгөгүй | мөнгө төгрөг огт байхгүй, гар хоосон гэсэн санаа |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он