Хүч нэмэгдүүлэх сул үг: ув улаан [хоршоо] (тод улаан, час улаан), ув улаан болох (а. дэлгэрэнгүй...Ихэд халууцан нүүр улайх; б. Ичих) - Ёндонжамцын цагаан царай нь ув улаан болж, хатан минь та намайгаа өршөөн соёрх гэв. Ш.Нацагдорж. Мандхай цэцэн хатан., ув улаан хацартай (а. Нар салхинд онгон хацар нь улаан болсон байх; б. Эрүүл, чийрэг; в. Улаан хацрыг нь өхөөрдсөн нь), ув улаан царай (маш улаан царай) - Загд ув улаан царайтай, бараг цагаан хөмсөгтэй эр юм. Л.Түдэв. Нүүдэл., ув улаан ширэм (халуунд ихэд халж улайссан ширэм) - Зуухны хоолойгоор бөөн оч үсрэн ув улаан ширэм төмөр ховилоор урсаж өнгө нь бүдгэрэн хөхөрч байв. М.Чойжил. Андын нутаг алсдахгүй.