САХИХ III

Дагаж мөрдөх, журамлах: дүрэм сахих (дүрэм горимыг мөрдөн дагах) - Уурхайчид аа! Техник аюулгүйн дэлгэрэнгүй... С.Лочин. Сэтгэлийн өнгө., журмыг сахих (журам дэглэмийг мөрдөх) - Чамайг хэчнээн олон жил эзгүй байсан ч нэгэнт өгсөн тангаргаа бодоод журмыг сахиж чадах байх шүү. Н.Банзрагч. Зам., хэв журам сахих (нийтийн дэглэм, дүрмийг баримтлах), санваар сахих [шашин] (шашны сахилга батыг журамлан дагах) - Сайн ламыг үзэж санваар сахихаар шийджээ. Ц.Дамдинсүрэн. Түүвэр зохиол., төвийг сахих (а. Төв суурин газрыг бараадан амьдрах - Энэ авгай бараг эзгүй байсан төвийг сахиад сууж байсан билээ. Ч.Чимид. Хавар намар; б. Асуудалд хандахдаа дундыг баримтлах) - Чи энэ талаар төвийг сахиад дуугүй сууж болохгүй. “Цог” сэтгүүл., эвийг сахих (эв эеийг хичээх) - Эв найрамдлыг сахиж суухаас өөр явдалгүй гэж эхнэрээ элдвээр зэмлэн сургамжлахыг тэр удаад бодсонгүй. С.Эрдэнэ. Хонгор зул., элбэрэл журам сахих (эцэг эх, ах дүү, төрөл саднаа асран хүндлэх, энэрэн туслах) - Даанч элбэрэл журмыг сахих эцэг эхийн өмнөөс юугаа хэлэх билээ дээ гэж Цэвэл өдөр шөнө, өглөө үдэшгүй бодож санааширч байлаа. Л.Түдэв. Нүүдэл., зоригийг сахих [хуучирсан] (онгон охин), сахъя гэсэн сахил ч үгүй, саяын цохисон туулай ч үгүй [зүйр цэцэн үг] (олз, ашигт шунасны уршгаар юу ч үгүй хоосон хоцрох, алинд ч үгүй болох гэсэн санаа).

үрэм сахих дүрэм горимыг мөрдөн дагах
журмыг сахих журам дэглэмийг мөрдөх
хэв журам сахих нийтийн дэглэм, дүрмийг баримтлах
санваар сахих шашны сахилга батыг журамлан дагах
төвийг сахих а. Төв суурин газрыг бараадан амьдрах - Энэ авгай бараг эзгүй байсан төвийг сахиад сууж байсан билээ. Ч.Чимид. Хавар намар; б. Асуудалд хандахдаа дундыг баримтлах
эвийг сахих эв эеийг хичээх
элбэрэл журам сахих эцэг эх, ах дүү, төрөл саднаа асран хүндлэх, энэрэн туслах
зоригийг сахих онгон охин
сахья гэсэн сахил ч үгүй, саяын цохисон туулай ч үгүй олз, ашигт шунасны уршгаар юу ч үгүй хоосон хоцрох, алинд ч үгүй болох гэсэн санаа
Ижил үг:

САХИХ I

САХИХ II