МААЖИХ

1. Загатнааг арилгахын тулд хуруу, хумс болон маажих хэрэгслээр үрэх, шудрах - Ядаж нуруугаа маажих гэсэн боловч дэлгэрэнгүй... Ч.Ойдов. Жүжгүүд., улайтал маажих (ямар нэгэн зүйлээр ширүүн үрж арьсыг нь улайлгах), маажуураар маажих (маажихад зориулсан тусгай багажаар үрэх), *загатнасан газар нь маажих шиг болох (үг хэл, үйл явдлын ончийг нь тааруулах), *хорыг нь маажих (хатуу, эвгүй үгээр даажигнан уурыг нь хүргэх) - Хорлоо одоо хэр нь үг өдөж, хор маажна. З.Баттулга. Сийнэн дуулж байна., аргаа барахаар алгаа маажна [зүйр цэцэн үг] (юу хийхээ мэдэхгүй, арга мухардах г‎эсэн санаа), толгойгоо тойрсон бодолтой, тохойгоо маажсан зантай [зүйр цэцэн үг] (цаашид юу хийхээ төлөвлөж мэдэхгүй, өнөө маргаашаа бодсон г‎эсэн санаа);


2. Самардах, зарим амьтны хумсаараа урах - Хотонд байгаа хонь яраглан хэвтэхэд ишиг шүдлэнгүүд биднийг шоглож байгаа юм шиг хөлөөрөө маажиж дэлгэрэнгүй... Г.Дүйнхэржав. Арилшгүй мөр., гар маажих (гарыг хумсаар урах), *зүрх маажих (сэтгэл эмзэглэн догдлох) - Санамсаргүй байтал модон байшингийн цонхны завсраар нэг хөгжмийн эгшиг шургалан орж ирээд Чулууны зүрхийг маажин догдлуулахад даруй сэтгэл тогтож ядан гадаа гарав. Д.Нацагдорж. Нэгэн сэтгэлийг бөмбөрүүлсэн үе., үйл нь ирсэн хулгана муурын хамар маажих [зүйр цэцэн үг] (өөрөөсөө болж зовох г‎эсэн санаа);

3. Морь малын үсийг маажуураар самнах;
4. [шилжсэн] Машин тэрэг зэргийн дугуйгаараа газар самардан зүтгэх.

аяархан маажих хуруу хумс зэргээр зөөлөн үрэх
улайтал маажих ямар нэгэн зүйлээр ширүүн үрж арьсыг нь улайлгах
маажуураар маажих маажихад зориулсан тусгай багажаар үрэх
загатнасан газар нь маажих шиг болох үг хэл, үйлд явдлын ончийг нь тааруулах
хорыг нь маажих хатуу, эвгүй үгээр даажигнан уурыг нь хүргэх
аргаа барахаар алгаа маажна юу хийхээ мэдэхгүй, арга мухардах гэсэн санаа
толгойгоо тойрсон бодолтой, тохойгоо маажсан зантай цаашид юу хийхээ төлөвлөж мэдэхгүй, өнөө маргаашаа бодсон гэсэн санаа
гар маажих гарыг хумсаар урах
зүрх маажих сэтгэл эмзэглэн догдлох
үйл нь ирсэн хулгана, муурын хамар маажих өөрөөсөө болж зовох гэсэн санаа