1. Судалгаа: шинжилгээний ажил (шинжлэн судлах ажил), шинжилгээний анги (хээрийн дэлгэрэнгүй...судалгааны анги), шинжилгээний баримт материал (судалгааны баримт, эх хэрэглэгдэхүүн), шинжилгээний ололт (шинжлэн судалсан ажлын ололт, үр дүн), шинжилгээний газар (судалгааны байгууллага), шинжилгээний таамнал (судалгаанаас гарсан таамаглал), химийн шинжилгээ (химийн судалгаа), шинжилгээний хүн (судалгаа шинжилгээ хийдэг хүн, судалгааны ажилтан), хээрийн шинжилгээ (хээрийн судалгааны ажил), судалгаа шинжилгээ [хоршоо] (судлан шинжлэх үйл ажиллагаа) - Галавын барагдашгүй баян ашиг хишигтэй ганган улаан тэмээний тухай судалгаа шинжилгээний их ажилд ч урь орж байна. Б.Бааст. Алтайн хөх дөнөн., эрдэм шинжилгээ (шинжлэх ухааны үндэслэлтэй явуулах судалгааны ажил), эрдэм шинжилгээний ажилтан (эрдэм шинжилгээний ажил хийдэг хүн), эрдэм шинжилгээний газар ~ эрдэм шинжилгээний байгууллага (судалгаа шинжилгээний байгууллага) - Байшингийн булан дахь хураалттай ном, өрөөний гол дахь том ширээн дээрх элдэв бичиг цаас эрдэм шинжилгээний ажилд хэрэглэдэг байх гэмээр байв. Ч.Алагсай. Алтайн зам;