1. Химийн болон механик боловсруулалтаар бичих, зурах, хэвлэх, хулдах зүйлд дэлгэрэнгүй...хэрэглэхээр хийсэн, нимгэн хуудсан эд: цаас зүсэгч (цаас жижиглэн хуваах зориулалттай хутга) - Цаас зүсэгчээр нямбайлан зүссэн цааснуудыг, тан боохоор бэлтгэн тавьжээ. “Сэрүүлэг” сонин., ариун цэврийн цаас (бие зассаны дараа хэрэглэдэг цаас), болгосон цаас (нимгэн цаасыг нааж бор өнгөнд хувилгасан хатуу цаас), хар цаас (а. Хар өнгийн цаас; б. Байшингийн дээвэр наах зэрэгт хэрэглэдэг ус нэвтрүүлдэггүй, ширүүн хар цаас), хулсан цаас (хулс модыг нунтаглаж усанд дэвтээж, тунгаан хийсэн цаас), цаас хийх машин (цаас хийх зориулалттай хатаах, индүүдэх, боловсруулах, хуйлах, ороох үндсэн ажиллагаатай төхөөрөмж), цаас янзлуур (цаасыг толийлгон индүүдэх, нягтруулах, хээлэх гэх мэтээр янзалдаг төхөөрөмж), цаасны зуурмаг (цаас, картоныг бэлтгэхээр модлог ургамлыг нарийн ширхэгтэй болгон буталж, ширхгийн дагуу цуулж жижиглэн, эслэг эд, будагч, цайруулагч наалдуулагч гэх мэт бодистой холиод зуурч бэлтгэсэн зуурмаг), цаасны цавуу (цаас наахад зориулсан цавуу), цаасны үйлдвэр (цаас боловсруулан гаргах үйлдвэр), гин цаас (нимгэн болоод бат бэх нэг зүйл цаас, гингийн цаас), бичгийн цаас (бичихэд зориулж, үйлдвэрлэсэн цаас), цаас цоохорлогч ~ цаас эрээчигч [муушаасан] (бичих, туурвих дур хүсэлтэй ч бичсэн нь олигтой болдоггүй, тааруухан бичигч), хортой цаас [хуучирсан] (бичих, машиндах, зурах зүйлийн ард давхарлан тавьж, хуулбарлан гаргах будаг бүхий цаас), бийр цаас [хоршоо] (бичгийн хэрэглэл, цаас), бичиг цаас [хоршоо] (бичиг номын зүйл), бичиг эрдэм [хоршоо] (эрдэм ном), *бичиг цаастай ноцолдох (бичиг номын ажил хийх), цаасан дээр нэртэй, цасан дээр мөртэй [зүйр цэцэн үг] (хожим үлдэх алдар гавьяатай, нэр төртэй гэсэн санаа);