Нэвтрэх
Ашиглах заавар
1. Аргал хомоол зэргийг түүх, өвс бөөгнүүлэх зэрэгт хэрэглэдэг олон хуруу, салаатай хамах хэрэгсэл - дэлгэрэнгүй... Д.Цэвэгмид. Зохиолын түүвэр., модон савар (модоор хийсэн хамах хэрэгсэл), төмөр савар (төмрөөр хийсэн хамах хэрэгсэл) - Олон морь уралдах болж, унасан хүүхдүүд нь төмөр хэдрэг, төмөр савар бариад явдаг байжээ. Монгол ардын баатарлаг туульс., таван салаатай савар (таван ширхэг салаалсан хуруутай хамах эд), савраар хамах (ямар нэгэн зүйлийг савраар бөөгнүүлэн овоолох), савар матах (хоёроос дээш салааг ишинд нь бэхлэн, аргал хомоол түүх зориулалтын багаж хийх), араг савар [хоршоо] (аргал хомоол түүхэд зориулсан эд хэрэгсэл) - Араг савар хоёроо ардаа үүрээд ирэхэд ч автагддаггүй. Ц.Дамдинсүрэн. Түүвэр зохиол;
2. Араатан, жигүүртний хурц хумстай хөл - Чоныг соёгоор нь таних, шонхрыг савраар нь таних гэдэг ийм учиртай үг дэлгэрэнгүй... Б.Бааст. Алтайн хөх дөнөн., баавгайн савар (баавгайн хурц хумстай хуруу), бүргэдийн савар (бүргэдийн махир хурц хумс бүхий сарвуу); хумс савар [хоршоо] (хурц хумстай хуруу, хөл) - Хумс савраа атгаж, хурц соёондоо зууж, хөлс шүүсийг шахаж, хөнөөж дарлаж базсан. Ц.Дамдинсүрэн. Түүвэр зохиол., шаазгайн савар [ургамал] (нэгэн зүйл тоонолжин ургамал);
3. [шилжсэн] Гарын доромж утга - Аюулт амьтны саварт орсон хөөрхий тариачин эр арга буюу ойн гүн лүү түүнийг үүрсээр дэлгэрэнгүй... В.Шарма. Таван сургамж., хүйтэн савар (а. Хүйтэн гар; б. [шилжсэн] Харгис хатуу үйлдэл) - Эрлэг дайны хүйтэн савар эвдэрсэн сэтгэл тэмтрэх цагт ямар их хүнд үнээр ялалт ирснийг бид мэднэ. Д.Пүрэвдорж. Нар тойрсон зам., савраа дүрэх (а. Ямар нэгэн зүйлд гараа шургуулах, хийх; б. [шилжсэн] Хэрэгт оролцох), *савраас мултлах (дарлалаас ангижрах).
| модон савар | модоор хийсэн хамах хэрэгсэл |
| төмөр савар | төмрөөр хийсэн хамах хэрэгсэл |
| таван салаатай савар | таван ширхэг салаалсан хуруутай хамах эд |
| савраар хамах | ямар нэгэн зүйлийг савраар бөөгнүүлэн овоолох |
| савар матах | хоёроос дээш салааг ишинд нь бэхлэн аргал хомоол түүх зориулалтын багаж хийх |
| араг савар | аргал хомоол түүхэд зориулсан эд хэрэгсэл |
| баавгайн савар | баавгайн хөлийн сарвуу |
| бүргэдийн савар | бүргэдийн махир хурц хумс бүхий сарвуу |
| хумс савар | хурц хумстай хуруу, хөл |
| шаазгайн савар | нэгэн зүйл тоонолжин ургамал |
| хүйтэн савар | а. Хүйтэн гар; б. [шилжсэн] Харгис хатуу үйлдэл |
| савраа дүрэх | а. Ямар нэгэн зүйлд гараа шургуулах, хийх; б. [шилжсэн] Хэрэгт оролцох |
| савраас мултлах | дарлалаас ангижрах |
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он