Хэвтэж унтахад зориулсан хэрэглэл: модон ор (модоор хийсэн унтаж хэвтэх хэрэглэл), төмөр дэлгэрэнгүй...ор (төмрөөр хийсэн унтаж хэвтэх зүйл), эвхдэг ор (унтах үедээ дэлгээд бусад үед эвхэн тавьдаг хэрэглэл), давхар ор (а. Дээр дээр нь давхарлан тавьсан унтаж хэвтэх хэрэглэл; б. [хуучирсан] Авсны гадуурх хүрээ), аяны ор (аянд явахдаа унтахад зориулсан авсаархан тавилга), зөөлөн ор (унтаж хэвтэхэд зөөлөн хэрэглэл), хүүхдийн ор (хүүхэд унтахад зориулсан жижигхэн хэрэглэл), нэг хүний ор (нэг хүн унтахад зориулсан нарийхан хэрэглэл), хоёр хүний ор (хоёр хүн цуг унтахад зориулсан өргөн хэрэглэл), орны тоо (эмнэлэг, сувиллын газарт хэвтэж эмчлүүлэх, сувилуулах өвчтөнийг хүлээн авч хэвтүүлэх хэрэглэлийн тоо), орноос босгох (хэвтэж унтаж байхад нь сэрээн босгох), ор засах (унтаж хэвтэх дэвсгэр хучлага бэлдэх) - Удсангүй Дуламханд надад ор засаж өгөөд бас цай чанаж данханд хийгээд зуухны хажууд тавиад унтлаа. Б.Бааст. Алтайн хөх дөнөн., ор дэвсгэр [хоршоо] (унтаж хэвтэх үед хучиж дэвсэх хэрэглэл), ор дэр [хоршоо] (унтаж хэвтэх үедээ дэвсэж хучих болон дэрлэх зүйл), ор дэрний цагаан хэрэглэл (гудсан дээр дэвсэх, хөнжилд хийх зориулалтын даавуунууд), ор дэр хураах (унтаж хэвтсэн дэвсгэрээ засаж янзлах), жаргалтай гэж орондоо бүү дуул, зовлонтой гэж орондоо бүү уйл [зүйр цэцэн үг] (унтаж хэвтэж байх үедээ уйлж дуулахыг цээрлэсэн нь), олон ирвэл цайгүй, орой ирвэл оргүй [зүйр цэцэн үг] (а. Нэг зүйлийг олонтоо давтвал ад болох; б. Олноос хоцорвол хоосон үлдэх гэсэн санаа), олон голын жавраас орны хөндийн жавар [зүйр цэцэн үг] (бага гэж бүү бас гэсэн санаа).