1. Нийгмийн хөгжлийн явцад хүн төрөлхтний бүтээсэн эд баялаг, оюун ухааны ололтын цогц: үндэсний соёл дэлгэрэнгүй...
(тухайн үндэстний бүтээсэн соёл), оюуны соёл (оюуны баялгийн цогц), эдийн соёл (эдийн баялгийн цогц), соёлын өв (үе улиран уламжлагдаж ирсэн эдийн болон оюуны зүйл) - Өөрийнхөө өндөр соёлын өв уламжлалыг залган хадгалж ирсэн армян бичгээрээ бахархана. Б.Ринчен. Сандо амбан., соёлын харилцаа (оюуны болон эдийн соёлоор харилцах нь) - Соёлын харилцааны талаас судалж бас болно. Р.Жагварал. Монгол хэлний хүндэтгэлийн үг., соёлын ажилтан (соёлыг олон нийтэд түгээн дэлгэрүүлэх, сурталчлан таниулах үүрэг бүхий хүн), соёлын голомт (оюуны болон эдийн соёлын төв), соёлын дурсгал (дээр үеэс улиран дамжиж уламжлагдан ирсэн оюуны болон эдийн баялаг), соёлын довтолгоо (нийгэм соёлын боловсон байдлыг ахиулах арга хэмжээ) - Бадам соёлын довтолгооны багш лугаа мэнд усаа мэдэлцэв. Б.Чойндон. Галбын говьд., соёлын ордон (урлаг, уран сайхны үйлчилгээг нийтэд хүргэх цогцолбор) - Соёлын ордны тааз нураад уначихна уу гэмээр танхимд байгсад суудлаасаа босож алга нижигнүүлэн ташлаа. С.Лочин. Сэтгэлийн өнгө., соёл боловсрол [хоршоо] (шинжлэх ухаан, урлаг, боловсрол хүмүүжлийн цогц) - Төр улсын соёл боловсрол нь ямар ч саадгүйгээр шууд хөгжиж чадах нь үүнээс илэрхий байна. С.Буяннэмэх. Түүвэр зохиол., соёл гэгээрэл [хоршоо] (соёлжин гэгээрэх нь), соёл иргэншил [хоршоо] (эдийн болон оюуны соёлын цэцэглэл, нийгмийн хөгжлийн түвшин, соёл боловсролын цогц) - Энэтхэгийн соёл иргэншил нь тэр Тигр, Ефрат, Нил мөрний эртний соёл иргэншилтэй ойр төрөл байсныг магадлан мэджээ. Б.Ринчен. Өмнө этгээдэд зорчсон тэмдэглэл., соёл урлаг [хоршоо] (хүний гараар бүтээгдсэн болон оюун санааны бүтээл туурвил) - Эх орныхоо нийслэлд соёл урлагийн гурав хоног аялуулах эрх олж авсан учраас одоо тэр чухал ажилдаа шаргуу бэлтгэж байна. Б.Бааст. Алтайн хөх дөнөн., сургууль соёл [хоршоо] (сурч боловсрох газар) - Сургууль соёл төгсөөд ч хэдэн жилийн нүүр үзэж амьдрал ахуйгаар ч тохижиж бүр гүйцсэн хүн. Д.Цэдэв. Айргийн амт., утга соёл [хоршоо] (оюуны соёл, оюуны боловсрол), хэл соёл [хоршоо] (хүмүүсийн харилцааны хамгийн чухал хэрэглүүр, нийгмийн хөгжлийн явцад хүн төрөлхтний бүтээсэн эдийн болон оюуны цогц), соёлгүй хүн сохор, сумгүй буу шилээвэр [зүйр цэцэн үг] (буунд сум хэрэгтэйн адил хүнд соёл хэрэгтэй гэсэн санаа);үндэсний соёл | тухайн үндэстний бүтээсэн соёл |
оюуны соёл | оюуны баялгийн цогц |
эдийн соёл | эдийн баялгийн цогц |
соёлын өв | үе улиран уламжлагдаж ирсэн эдийн болон оюуны зүйл |
соёлын харилцаа | оюуны болон эдийн соёлоор харилцах нь |
соёлын ажилтан | соёлыг олон нийтэд түгээн дэлгэрүүлэх, сурталчлан таниулах үүрэг бүхий хүн |
соёлын голомт | оюуны болон эдийн соёлын төв |
соёлын дурсгал | дээр үеэс улиран дамжиж уламжлагдан ирсэн оюуны болон эдийн баялаг |
соёлын довтолгоо | нийгэм соёлын боловсон байдлыг ахиулах арга хэмжээ |
соёлын ордон | урлаг, уран сайхны үйлчилгээг нийтэд хүргэх цогцолбор |
соёл боловсрол | шинжлэх ухаан, урлаг, боловсрол хүмүүжлийн цогц |
соёл гэгээрэл | соёлжин гэгээрэх нь |
соёл иргэншил | эдийн болон оюуны соёлын цэцэглэл, нийгмийн хөгжлийн түвшин, соёл боловсролын цогц |
соёл урлаг | хүний гараар бүтээгдсэн болон оюун санааны бүтээл туурвил |
сургууль соёл | сурч боловсрох газар |
утга соёл | оюуны соёл, оюуны боловсрол |
хэл соёл | хүмүүсийн харилцааны хамгийн чухал хэрэглүүр, нийгмийн хөгжлийн явцад хүн төрөлхтний бүтээсэн эдийн болон оюуны цогц |
соёлгүй хүн сохор, сумгүй буу шилээвэр | буунд сум хэрэгтэйн адил хүнд соёл хэрэгтэй гэсэн санаа |
харилцааны соёл | бусадтай зөв боловсон харилцах дадал хүмүүжил |
соёл хүмүүжил | хүмүүжлийн цогц үйл ажиллагаа |
эрдэм соёл | боловсрол, хүмүүжил |
биет соёлын өв - хүн төрөлхтөний бүтээсэн гарт баригдаж, нүдэнд харагдах соёл, хөгжмийн зэмсэг, барилга, гэр гэх мэт зүйл. биет бус соёлын өв - хүн төрөлхтөний бүтээсэн хэл аялгуу, мэдлэг, зан заншил, аман зохиол, дуу хуур, ахуй хэрэглээний соёлын өв
Зочин 2015-06-03 12:40:56
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он