Нягт нямбай бус, замбараагүй, цалгар назгай - Эх нь охиныхоо саланг гайхан загнана. Ч.Чимид. Хавар намар., салан хандах (аливаа зүйлд нямбай бус, хөнгөн, хайнга хандах) - Цэгнэн хянаж хандвал, цэнгэн жаргаж бадрах, алуун салан хандвал, алжаал гэмшилд гутрах гэсэн өвгөдийн сургаал ч байдаг. В.Шарма. Таван сургамж., алан салан [хоршоо] (хааш яаш, эмх замбараагүй), салан задгай [хоршоо] (а. Хөнгөн хуумгай, хайнга - Гармаа нэлээд салан задгай байдалтай болохоор нь настайвтар зарим хүн түүнд дургүй байдаг. С.Удвал. Та бид уулзана; б. Эмх цэгцгүй, ундуй сундуй), салан задгай амьдрал (хөнгөн хуумгай, замбараагүй амьдрал), салан задгай сурах (аливаад ул суурьтай биш хайнга хандаж сурах) - Зарим нь бүр том хүн шиг подойсон, бас нэг нь нямбай байвал, нөгөө нь салан задгай сурсан байдаг. С.Удвал. Та бид уулзана., салан залхуу [хоршоо] (ажил төрлийг хийж бүтээхдээ хөшүүн хойрго, цалгар назгай хандах байдал), салан хүн юмаа гээнэ, салга гар барьснаа алдана [зүйр цэцэн үг] (юманд нухацтай ханд гэсэн санаа), салан шувуу [амьтан] (хөхөө).