АРГА

1. Ямар нэг юмыг хийж бүтээхэд сүвэгчилсэн ур ухаан, танин мэдэх, судлан ухаарах үйлдэл: арга дэлгэрэнгүй... (ажлыг бүтээх арга эрэх), арга алга (а. Яах ч аргагүй; б. Танин мэдэх, судлан ухаарах үйлдэл, ямар ч ур ухаан, арга барил байхгүй), арга барагдах (ямар ч боломжгүй болох), арга барах (а. Хэцүү байдалд орох; б. Уйтгарлах; в. Итгэл түшиггүйдэж, гуньж гансрах, мухардах), арга саам хийх (ажил үйлд хойргошин, элдэв зүйлээр шалтаглан удаашруулах, хийлгүй өнгөрөөх), арга тасрах (ажлыг гүйцэтгэх аргагүй болох), арга ядах (аргагүй болох, арга барагдах, мухардах), аргыг нь олох (ая эвийг нь олж, ажлаа бүтээх), аль болох аргаар (болбол эв зүйгээр), зөөлөн аргаар (ухаалгаар), хатуу аргаар (хүчээр, захиргааны аргаар), арга ааль [хоршоо] (эе зан) - Арга аалиа олон ядаж хаан бээр гэдрэг түрүү уналхийлэн суужээ. Эндүүрэл хааны тууж., заах арга зүй (хэрхэн зааж сургах тухай онол үзлийн цогц), судалгааны арга зүй (судалгаа шинжилгээний ажлыг хэрхэн гүйцэтгэх тухай олон үзлийн цогц), туршилтын арга (туршилт хийх ухаан барил), харьцуулах арга (хоёр буюу түүнээс дээш зүйлийг харьцуулан судлан ижил талтай болон ялгаатай талыг тогтоох арга барил) - Харьцуулах аргаар судалжээ. “Шинжлэх ухаан, амьдрал” сэтгүүл., арга онол [хоршоо] (тухайн ажлыг хийж гүйцэтгэх барил болон баримтлах сургаал, үзэл) - Том хэлбэрийн зохиол бичих арга онолыг хэлэлцэн зөвшилцжээ. Б.Ринчен. Үүрийн туяа., арга судлал (шинжлэх ухааны арга, шинжлэн судлах аргын тухай сургаал), арга зүй (а. Ямар нэг зүйлийг хэрхэн хийх тухай онол үзлийн цогц; б. Юмны ая эвийг сүвэгчлэн олох) - Түүний бичих арга зүйг нэлээд сонирхсон билээ. Б.Ринчен. Үүрийн туяа., арга ааш [хоршоо] (ая ааш) - Арга аашаа барж энд тэнд тойрч нүх сүвийг үзэв. Монгол ардын домог үлгэр., арга аврал [хоршоо] (эе аврал) - Хад мөргөсөн мэт болж ямар ч арга авралгүй хойш гэртээ гунихран буцжээ. Монгол ардын үлгэр., арга аядал [хоршоо] (арга эв), арга аяс [хоршоо] (эе аяс) - Арга аяс нь бичгээр болдог, ажлын гавьяа нь хөдөлмөрөөр болдог. ААЗ., арга бааш [хоршоо] (бач бааш) - Юмны арга бааш олохдоо ахаасаа илүү. Н.В.Гоголь. Тарас Бульба., арсланг аргаар барьдаг, хүчээр барьдаггүй [зүйр цэцэн үг] (хүчтэй юмыг арга эвээр дийлнэ гэсэн санаа), арга байвал арслан барина, зориг байвал барс барина [зүйр цэцэн үг] (ур ухаан, хүч хөдөлмөрөө зөв хослуулбал ажил үйл амжилтад хүрнэ гэсэн санаа), ажилд дургүй хүн, арга саам хаймтгай [зүйр цэцэн үг] (ажилд дургүй хүн хойргошин элдэв шалтаг хайдаг гэсэн санаа), аргаа барахаар алгаа маажина [зүйр цэцэн үг] (юу хийхээ мэдэхгүй арга мухардах гэсэн санаа), ажлыг аргаар, хэцүүг эвээр [зүйр цэцэн үг] (аливаа юмыг арга эвээр бүтээдэг гэсэн санаа), арга эв байвал сармагчны амнаас чавга булаана [зүйр цэцэн үг] (ухаан сүвэгчилбэл юуг ч бүтээж болно гэсэн санаа);


2. Юмыг хийх эв дүй, арга барил: арга барил [хоршоо] (ажил хийх арга эв), арга бач [хоршоо] (арга заль), дэлгэрэнгүй...
3. Арга билиг: аргын тоолол (нарны эргэлтийг баримталж, цаг улирлыг тоолох зурхайн ёсон), арга эгшиг [хөгжим] дэлгэрэнгүй...
4. [хэл шинжлэл] Хэлзүйн утга, хэлбэрийн нэгдэл буюу үйлийн хэрхэн хэрэгжиж байгаа биелэлтийг заах хэрэглүүр:  задлаг арга дэлгэрэнгүй...
арга сүвэгчлэх ажлыг бүтээх арга эрэх
арга алга

а. Яах ч аргагүй; б. Танин мэдэх, судлан ухаарах үйлдэл, ямар ч ур ухаан, арга барил байхгүй

арга барагдах ямар ч боломжгүй болох
арга барах а. Хэцүү байдалд орох; б. Уйтгарлах; в. Итгэл түшиггүйдэж, гуньж гансрах, мухардах
арга саам хийх ажил үйлд хойргошин, элдэв зүйлээр шалтаглан удаашруулах, хийлгүй өнгөрөөх
арга тасрах ажлыг гүйцэтгэх аргагүй болох
арга ядах аргагүй болох, арга барагдах, мухардах1
аргыг нь олох ая эвийг нь олж, ажлаа бүтээх
аль болох аргаар

болбол эв зүйгээр

зөөлөн аргаар

ухаалгаар

хатуу аргаар хүчээр, захиргааны аргаар
шунахай аргаар муу аргаар
арга ааль эе зан
арга ааш ая ааш
арга аврал эе аврал
арга аядал арга эв
арга аяс эе аяс
арга бааш бач бааш
арга барил ажил хийх арга эв
арга бач арга заль
арга башир арга мэх
арга бодлого ухаан бодлого
арга болгоомжлол эв болгоомжлол
арга дав эв дав
арга дом а. Эм дом, засал; б. Арга саам
арга заль а. Хэрэг явдалд онц тохиромжтой ухаан гаргаж, гүйцэтгэх чадвар; б. Урьхнаар хуурах, мэхлэх ов жив
арга зам аливаа үйлийг бүтээх боломж, ур ухаан, эв дүй
арга засал эм дом, бариа
арга мөр зам мөр
арга маяг аливаа зүйлийг хийх барил, загвар
арга мэх а. Арга заль; б. Барилдах эрдэм чадал
арга саам а. Үйл явдал, ажил хэргийг удаашруулах, алдагдуулах элдэв шалтаг, цаг нөхцөөх байдал; б. Ажил хэргийг хийж гүйцэтгэх боломж, сүйхээ
арга самбаа ажил хэргийг хийж гүйцэтгэх арга ухаан, авхаалж
арга сүв арга чарга
арга техник ур чадвар
арга ухаан юмыг хийх эв дүй, сэтгэх чадвар
арга хүчин бодол ухаан
арга хэмжээ а. Ямар нэг зүйлийг биелүүлэхийн тулд хийх үйл ажил; б. Зэмлэл шийтгэл
арга цөхрөл а. Арга мухардал; б. Ажлыг биелүүлэх ухаанаа үл олох нь
арга чадал эрдэм ухаан, чадал ухаан
арга чарга арга ухаан, арга мэх
арга шид ид шид
арга эв ая зүй, эв дүй
арга явууллага өөрийн үзэл бодол, ашиг сонирхлын үүднээс бусдыг ятгах заль мэх, үйл ажиллагаа
арсланг аргаар барьдаг, хүчээр барьдаггүй хүчтэй юмыг арга эвээр дийлнэ гэсэн санаа
арга байвал арслан барина, зориг байвал барс барина ур ухаан, хүч хөдөлмөрөө зөв хослуулбал ажил үйл амжилтад хүрнэ гэсэн санаа
ажилд дургүй хүн, арга саам хаймтгай ажилд дургүй хүн хойргошин элдэв шалтаг хайдаг гэсэн санаа
аргаа барахаар алгаа маажина юу хийхээ мэдэхгүй арга мухардах гэсэн санаа
ажлыг аргаар, хэцүүг эвээр аливаа юмыг арга эвээр бүтээдэг гэсэн санаа
арга эв байвал сармагчны амнаас чавга булаана ухаан сүвэгчилбэл юуг ч бүтээж болно гэсэн санаа
арга судлал шинжлэх ухааны арга, шинжлэн судлах аргын тухай сургаал
арга зүй а. Ямар нэг зүйлийг хэрхэн хийх тухай онол үзлийн цогц; б. Юмны ая эвийг сүвэгчлэн олох
хэл зүйн арга хэл зүйн хэлбэрийн нийтлэг зүйлийн ангилал ба эдгээр хэл зүйн хэлбэрүүдийн бүтэх арга
заах арга зүй хэрхэн зааж сургах тухай онол үзлийн цогц
судалгааны арга зүй судалгаа шинжилгээний ажлыг хэрхэн гүйцэтгэх тухай олон үзлийн цогц
туршилтын арга

туршилт хийх ухаан барил

харьцуулах арга хоёр буюу түүнээс дээш зүйлийг харьцуулан судлан ижил талтай болон ялгаатай талыг тогтоох арга барил
арга онол тухайн ажлыг хийж гүйцэтгэх барил болон баримтлах сургаал, үзэл
арга эгшиг хөгжмийн хөгийн дэс даралдааг бүтэн хөг, бүтэн хагас хөг, хагас хөг, хагас бүтэн хөг, бүтэн хөг, бүтэн хагас хөг, хагас хөг гэж өгсөөх журмаар тодорхойлох зохирол эрэмбийн байгуулал, дэвсгэр хөгийн нэр
до-арга эгшгийн зохирол эрэмбэ до хөгжмийн зохирол эрэмбэ
задлаг арга

хэсэг, тодорхойгоор задлан судлах арга