1. Хүн, амьтан юмыг зажлан, хоол тэжээл болгон хэрэглэх: алим идэх (алимаар хооллох), барьж дэлгэрэнгүй...идэх (а. Ноцож амийг нь таслан идэх; б. [шилжсэн] Сүрхий уурсан нэхэж шаардан давшлах), мах идэх (а. Мах зажлан залгих; б. [шилжсэн] Зовоох, ядраах, туйлдтал нь зүтгүүлэх), ногоо идэх (хүнсэндээ ногоо хэрэглэх), өвс идэх (өвсөөр хооллох), талх идэх (талхаар хооллох), чихэр идэх (чихэр хүлхэх, чихэр зажлах), идэх мах (хоол хийх мах), идэх юм (хүнсэнд хэрэглэх юм), ялаа барьж иддэг аалз (ялаагаар хооллодог аалз), идэх унтах [хоршоо] (а. Бие амар сул хэвтэх, амрах; б. [шилжсэн] Залхуурч хойргоших), идэх уух [хоршоо] (хооллох) - Ерийн өдөр ав аянд дуртай, идэх уух нь үхэр хонь ба хээрийн ан гөрөөс, араатны арьсаар дээл хувцас хийж өмсөнө. В.Инжаннаши. Хөх судар., багалзуур идэх [хуучирсан] (ургийн холбоогоо бат бэх болгон бататгахаар урин залах ёслол), олон нохой хүн идэх, олон хүн хүн үл идэх [зүйр цэцэн үг] (хүн хүнээ хайрлаж, үг хэлээрээ ойлголцдог гэсэн санаа), идсэн эрүү хувхайрч, идүүлсэн бут ургадаг [зүйр цэцэн үг] (эцэстээ шударга үнэн дийлдэг гэсэн санаа) - Нэгэнт цагт энэ гамингууд тонилох байлгүй дээ. Идсэн эрүү хувхайрдаг идүүлсэн бут ургадаг юм гэж билээ. Ж.Дамдин. Үймээний жил., идсэн чоно хонгилд, идээгүй чоно хоморгод [зүйр цэцэн үг] (гол эзэн нь буруутан болохгүй араар нь үлдэх) - Бас идсэн чоно хонгилд, идээгүй чоно хоморгод ч гэдэг үг байдаг. Б.Бааст. Алтайн хөх дөнөн., ид ид гэхээр долоох, ор ор гэхээр шагайх [зүйр цэцэн үг] (а. Ид уу гэхэд нэрэлхэн ёс алдах; б. Аливаа зүйлд бололцоо олгосоор байдал цааргалан хойшлох), идэхээсээ суух нь, унтахаасаа хэвтэх нь [зүйр цэцэн үг] (ямар ч үйл эс бүтээн, дэмий сүр үзүүлэн байх маяглах гэсэн санаа), идэх нь идэр, явах нь ядар [зүйр цэцэн үг] (идэж ууна гэвэл олны өмнө гавшгайлах, ажил хөдөлмөр гэвэл олноос хойш суух, залхуу хойрго), идэхэд эр барс, хийхэд хашин бух [зүйр цэцэн үг] (идэх нь идэр, явах нь ядар; залхуу хойрго), идэх нь гахай, явах нь могой [зүйр цэцэн үг] (идэх уухдаа гарамгай боловч, түүнээ мэдэгдэхгүй мулзан гардаг гэсэн санаа), идэхийг үзвэл өлсөнө, өмсөхийг үзвэл даарна [зүйр цэцэн үг] (эрх танхил нь хэтэрч ховдог шунахай болох гэсэн санаа), идэхийн дараа, айхын бараа (а. Дөнгөн данган хань болох; б. Хань нөхрөө голсон үг), идэвч ам нь хуурай, баавч бөгс нь хуурай [зүйр цэцэн үг] (а. Идээд идсэнгүй гэх; б. Хүний тусыг дороо мартах гэсэн санаа), идсэн ч чоно, эс идсэн ч чоно [зүйр цэцэн үг] (авсан, аваагүй ч муу нэртэй л бол аливаа буруу хэрэгт холбогдохдоо амархан байдаг гэсэн санаа), *хүний нохой идсэнээс өөрийн нохой идсэн дээр (а. Танихгүй хүнд юмаа өгч завшуулснаас таних хүндээ өгсөн нь дээр гэсэн санаа - Хүний нохой идэхээр өөрийн нохой долоо гэдэг. Ж.Пүрэв. Гурван зангилаа; б. Хэрэглэх, идэх уух), *идэх хоолтой хүн (амь зуух юмтай хүн);