Үндсэн тооны нэр, тав дээр нэгийг нэмсэн нь: зургаа дахь (зургаадугаарх; зургаад тохиосон нь), дэлгэрэнгүй...зургаан амт (хэлний эрхтний мэдрэхүйд сэрэгдэх зургаан зүйлийн амт, амттайхан, исгэлэн, эхүүн, гашуун, халуун, шорвог эдгээр болно), зургаан богино хавьс (хүн амьтны хавирганы чээжит талын хоёр этгээдийн гурваад хавирга), зургаан вишай (нүд, чих, хамар, хэл, бие таван эрхтэн ба сэтгэл эдгээр зургаад сэрэгдэн мэдрэх юм буу өнгө, дуу, үнэр, амт, хүртэхүй, сэрэхүй зургаа болно), зургаан дэвтэр (зургаан ширхэг дэвтэр), зургаан зургаа гучин зургаа (зургааг зургаагаар үржүүлсэн нийлбэр), зургаан махбод (дөрвөн махбодын дээр огторгуйн махбод, сэтгэлийн махбод хоёрыг нэмсэн нь), зургаан нийлэлт (дорно, өмнө, өрнө, умар, дээр, доор эдгээр зургаан зүг), зургаан сав (хүн амьтны цөс, ходоод, олгой, нарийн гэдэс, давсаг, самшуу энэ зургаа), зургаан түмэн [түүх] (монголчуудыг баруун, зүүн тус бүр гурван түм гэж хувааж байсан засаг захиргааны хуваарь), зургаан уулзвар (дээд, доод ба дөрвөн зүгийг хамтатган ийнхүү нэрлэнэ), зургаан хуран мэдэхүй [шашин] (шашны номын ёсонд суралцаж, сэтгэл ариусахуйн зургаан үндэс, өөрийгөө өвчтөн мэт хуран мэдэхүй, буяны садан-багшийг эмч мэт хуран мэдэхүй, номын утгыг мэдсэнээ өвчин эдгэв хэмээн хуран мэдэхүй, бурхныг төрөлхтний дээд хэмээн хуран мэдэхүй, ёсонд итгэснээр сэтгэл ариусахуй хэмээн хуран мэдэхүй), монгол хүний эрхэмлэх зургаан зүйл (а. Үнэн бат журмыг үргэлж хичээж явах; б. Өвөг дээдсийн сургаалыг санаж сэрж явах; в. Үйлийн дээд ачийг буцааж хариулж явах; г. Өсөх гээхийн хорвоог учирлан таниулж явах; д. Үргэлж мэргэн номыг тогтоон тунгааж явах; е. Үгээгүй дорд ардыг өргөн тэнхрүүлж явах), эх болсон зургаан зүйл шашин (сансрын аймаг дахь зургаан зүйл хамаг амьтан, тэнгэр, асуури, хүний төрөл, амьтны төрөл, бирдийн төрөл, тамын зовлон эдлэгчийн төрөл) - Замдаа зургаа хонож, долоо дахь өдрийн үд дундын хэрд цагаан ус нуурын хөвөөгөөр тойрч гараад явав. П.Хорлоо. Багш., зургаа долоо [хоршоо] (тооны зургаа ба долоогийн төдий л ялгаваргүй дүнг багцаалсан нь) - Одоо бэлэн бүхий энэ зургаан долоон түмэн цэргээр талах тул... В.Инжаннаши. Хөх судар.