1. Газар дэлхий оршин буй юмсын хамт; дэлхий: ертөнцийн амьдрал (хорвоогийн ахуй амьдрал) - Энэ дэлгэрэнгүй...ертөнцийн амьдрал даанч утгаа алджээ. П. Баярсайхан. Нохойн хэвтэр., ертөнцийн анир (дэлхийд оршин хөдөлж буй юмсын дуу чимээ), ертөнцийн дүр (дэлхийн төлөв байдал, хорвоогийн төрх), ертөнцийн тоос (ахуй амьдрал) - Хур бороонд ертөнцийн тоос угаагдан хязгааргүй уужим чөлөөтэй болсон тэнгэрт угааж савсан, ноос шиг сэвсгэр цагаан үүлс дүрсээ хувирган хувирган Онон голын усанд бууж алгуурхан урсан байх мэт үзэгдэх нь уул ус хоёрын урсах нүүх чиг таарсных ажээ. С. Эрдэнэ. Хөх хулгана жил., ертөнцийн үйл (хорвоогийн амьдрал, жам ёс), ертөнцийг үзэх үзэл (тусгаар хүмүүс, нийгмийн бүлэг, анги, бүх нийгмийн үйл ажиллагааны чиглэл, мөн бодит байдалд харилцах харилцааг тодорхойлогч зарчим үзэл, үнэмшлийн цогц), алзашгүй ертөнц (манай ертөнц), байгаль ертөнцийг таних (шим ертөнцийг танин мэдэх), гурав дахь ертөнц шашин (бурхны шашны ойлголтоор насан эцэслэсний дараах амьдрал), нийгэм журамт ертөнц (социализм), ертөнц дахин (дэлхий даяар), ертөнц даяараа (дэлхий нийтээрээ), манай ертөнц (энэ ертөнц), орчлон ертөнц [хоршоо үг] (орон зай, цаг хугацааны хувьд хязгааргүй ертөнц) - Учир шалтгааны холбоогүй юм орчлон ертөнцөд байхгүй болохоор та гурвын учрал, хувь заяа ийм л байсан биш үү. Б. Пүрэвдорж. Нууцхан сэтгэл; энэ ертөнц (амьдран буй дэлхийн бөмбөрцөг) - Ганцхан хүсэх юм энэ ертөнц, энх амгалан л байдаг болоосой. С.Эрдэнэ. Хонгор зул., ертөнцийн ухаан хүнд, хүний ухаан эрдэмд [зүйр цэцэн үг] (хүний хүч чадал эрдэм боловсрол дээр тогтдог гэсэн санаа);