1. Аливаа үйл хөдөлгөөний түргэний хэм - Түүний гайхамшигтай хурдыг нь дуулсан хүмүүс зориуд ирж, морио дэлгэрэнгүй...
уралдуулаад буцдаг байв. Ж.Дамдин. Миний монгол., хурд сайтай (хурд ихтэй, маш хурдан) - Гөрөөс адил хурдан бөгөөд уул усанд тохирсон нуруу туруу бөхтэй хурд сайтай хүдэр морь унана. Н.Батбаяр. Өндөрт хатгасан туг., хурдтай айл (уралдааны хурдан морьтой айл), хурдны морь (хурдан морь, уралддаг морь) - Тэднээр хурдны морио ер унуулдаггүй байлаа. Б.Бааст. Хяруу унасан цагаар., морины хурд (морины түргэн явдлын хэм) - Та нар тэр хэсэг зурвас цагаан газраар морины хурдаар гарцгаа. Нэг ч дайсан би та нарт хүргэхгүй. Ж.Дамдин. Үймээний жил., хар хурдаараа (байдаг чадлаараа гүйх) - Би гэрийн зүг эргээд хар хурдаараа гүйчихлээ. Д.Цэдэв. Айргийн амт., хөлийн хурд (маш хурдан) - Нэгэн өдөр манай хоёр нохой дэрсэн дундаас боссон үнэгийг хөлийн хурдаар хөөв. Д.Цэдэв. Айргийн амт., хурд дээр нь тат, хурц дээр нь нийл [зүйр цэцэн үг] (юмны хэм хэмжээг тохируулах гэсэн санаа);хурд сайтай | хурд ихтэй, маш хурдан |
хурдтай айл | уралдааны хурдан морьтой айл |
хурдны морь | хурдан морь, уралддаг морь |
морины хурд | морины түргэн явдлын хэм |
хар хурдаараа | байдаг чадлаараа гүйх |
хөлийн хурд | маш хурдан |
хурд дээр нь тат хурц дээр нь нийл | юмны хэм хэмжээг тохируулах гэсэн санаа |
хурд заагуур | тээврийн машины хөдөлгөөний хурдыг заадаг багаж |
хурд хэмжүүр | хурд хэмжих багаж |
хурд үүсгүүр | машин механизмын голын эргэлтийн давтамж, хурдатгал хэмжихэд хэрэглэдэг цахилгаан үүсгүүр |
хурд авах | хурдтай болох, хурдаа нэмэх |
хурд нэмэх | хурдны хэмжээг нь ихэсгэх |
хурд хасах | хурдны хэмжээг нь багасгах |
хурд хуваах | хурд нэмэх |
хурдаа саах | хурдаа хасах, багасгах |
дууны хурд | хатуу бие, шингэн, хийн зүйлд дууны долгионы тархах хурд |
гэрлийн хурд | янз бүрийн орчинд цахилгаан соронзон долгионы тархах хурд |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он