1. Нутаг дэвсгэр, эрхлэх аж ахуй, хэл, соёлын нийтлэг чанартай, гарал угсаагаар нэгэн овгоос улбаатай ард түмний дэлгэрэнгүй...нэгдэл - Хүн төрөлхтний өв соёлын дэвшилт бүхнийг хар, шар, цагаан арьстан угсаатных гэж ялгахгүй. Б.Ринчен. Өмнө этгээдэд зорчсон тэмдэглэл., угсаатны бүлэг (аль нэгэн угсаатны доторх ардын уламжлалт эдийн болон оюуны соёлоо хадгалан буй хүмүүс, дөрвөд, буриад, хотон гэх мэт), угсаатны гарваль (тухайн ард түмний гарал удмыг түүний угсаа, хэл болон хүн судлалын хэв шинжийн бүрэлдэн тогтсон онцлогтой холбон судлах ухаан), угсаатны зүй (дэлхийн ард түмний овог, аймаг, ястан, үндэстэн бүрийн гарваль, утга соёлыг цогцолбор аргаар судалдаг ухаан), угсаатны зүйн хэл шинжлэл (хэл болон угсаатны зүйн хүчин зүйлийн харилцаа холбоог судалдаг хэл шинжлэлийн салбар), угсаатны зүйч (угсаатны зүйг судлах хүн), угсаатны нийтлэг (хүний нийгмийн түүхийн хөгжлийн үйл явцад бүрэлдэн үүсэж тогтсон хүмүүсийн тогтвортой нэгдэл. Энэ нь аймаг ястан, үндэстний хэлбэрээр илэрдэг), угсаатны нэр зүй (овог аймаг, ястан, үндэстний нэрийг судлах нэр судлалын салбар ухаан), угсаатны соёл (нэг угсаатны бусад угсаатан, ястнаас ялгагдах соёлын өвөрмөц онцлог), угсаатны түүх (тухайн угсаатны үүсэн бүрэлдэхээс эхлэн эдүгээ хүртэл үргэлжилсэн түүхийг угсаатны зүйн талаас судлах), угсаатны ургамал зүй (дэлхийн хүн амын янз бүрийн угсаатны ашигладаг ургамлыг судлах салбар), монгол угсаатан (монгол гаралтай хүмүүс, монгол цустай хүмүүс) - Найманы Хүчүлүг ханыг нэхүүлэхээр Зэвийг мордуулав. Монгол угсаатан улсыг нэгтгэн барьж… Монголын нууц товчоо., үндэстэн угсаатан [хоршоо] (гарал үүсэл, хэл соёл нэг хүмүүс);