1. Хөдөлж мэдэрч чадах бүх амьд юм: амьд амьтан (амьтай махбод), усны амьтан (усанд дэлгэрэнгүй...
оршдог амьтан) - Усны амьтан ч болоосой, нуур далайд явахсан. Д.Нацагдорж. Зохиолууд., ухаант амьтан (хүн), ганц ч амьтангүй (хүн амьтны бараагүй), амьтан хүн ~ хүн амьтан [хоршоо] (а. Хүн болон амьтан; б. Олон хүн) - Амьтан хүн гарч аргалж гаргав. Монголын Маньбадарын хууч., мал амьтан [хоршоо] (тэжээвэр болон зэрлэг амьтан), амьд амьтан аргаа олдог, араатан гөрөөтөн нүхээ олдог [зүйр цэцэн үг] (аливаа зүйлийг хийх арга заавал олддог гэсэн санаа);амьд амьтан | амьтай амьтан |
усны амьтан | усанд оршдог амьтан |
ухаант амьтан | хүн |
ганц ч амьтангүй | хүн амьтны бараагүй |
амьтан хүн | хүн олон |
мал амьтан | тэжээвэр болон зэрлэг амьтан |
амьтны тархац нутаг | тухайн амьтны нутагладаг, нүүдэллэдэг тэдгээрийн амьдрах тохиромжтой нөхцөл бүрдсэн газар нутаг |
амьд амьтан аргаа олдог, араатан гөрөөтөн нүхээ олдог | аливаа зүйлийг хийх арга заавал олддог гэсэн санаа |
амьтан сургагч | адгуус амьтныг гаршуулан сургах хүн |
амьтан судлал | амьтны аймгийг бүхий л талаар судлах ухаан |
амьтан судлагч | амьтан судлалд мэргэшсэн хүн |
амьтны аймаг | амьтны ертөнц |
амьтны газар зүй | амьтны тархалт, амьдрах орчин, нөхцөлийн зүй тогтолыг судалдаг физик газар зүйн салбар ухаан |
амьтны булан | зэрлэг амьтныг тэжээх тусгай байр |
амьтны улирлын хөдөлгөөн | амьтны нүүдэллэх хэлбэр |
амьтны хүрээлэн | зэрлэг болон ховордсон амьтныг тусгайлан үржүүлэх, судлан шинжлэх, нийтэд сонирхуулж үзүүлэх зэрэг эрдэм шинжилгээ, үйлчилгээний цогц байгууллага |
түмэн амьтан | олон хүн, хүмүүс |
есөн шидийн амьтан | а. Янз бүрийн хүмүүс; б. Элдэв төрлийн араатан |
олон амьтан | а. Олон хүн; б. Олон араатан |
улс амьтан | олон хүн, хүн зон |
эсэн бусын амьтан | уул ажил хэрэгт холбоотой, холбоогүй олон хүн |
амьтны цуглуулга | судалгаа шинжилгээ, танин мэдэхүйн зорилгоор барьсан амьтны чихмэл, арьс, үс, яс болон бусад зүйл |
амьтны хэл ам угаах | хүн, амьтны амны зугаа болох |
авиргүй амьтан | зан төрх муутай хүн |
адгийн амьтан | өөдгүй, хүн чанаргүй хүн |
адгуу амьтан | яаруу сандруу хүн |
ад мөрийн амьтан | ад мөрийн ааштай хүн |
амархан амьтан | өөрийн бодолгүй хүн, муу үйл хэрэгт амархан уруу татагдах хүн |
аяархан амьтан | эрдэм мэдлэг муутай хүн |
гарын дор амьтан | номхон, ноомой хүн |
зовлонтой амьтан | а. Зүдэрч яваа хүн; б. Хүмүүсийг зовоодог этгээд |
мангуу амьтан | тэнэг хүн |
мөрөөрөө амьтан | ноомой хүн |
мунгинуу амьтан | мартамхай, будлиу хүн |
нарийндаа хатсан амьтан | харамч хүн |
нялх амьтан | хүн, амьтны үр төл |
өнчин өрөөсөн амьтан | эцэг эхгүй хүн |
тамын амьтан тамдаа жаргалтай | дассан газрын даавуу зөөлөн гэсэн санаа |
хөгийн амьтан | шалихгүй этгээд, өөдгүй хүн |
хөөний амьтан | худалч этгээд, зусарч хүн |
хөөрхий амьтан | хэцүүдэж зовсон хүн |
хуруун чинээ амьтан | нялх балчир хүүхэд |
амьтны үр, ангирын зулзага | бага жижиг өхөөрдөм амьтан гэсэн санаа |
амьтны бага нь адтай | а. Бага гэж басамжилбал гэнэддэг; б. Үзэхэд өчүүхэн атал хор уршиг ихтэй |
амьтны элэг доог болох | хүн амьтанд шоо үзэгдэх |
агнуурын амьтан | арьс, үс, мах болон бусад түүхий эдийг нь ашиглахаар агнаж ирсэн уламжлалтай, агнуурын нөөцтэй ан амьтан |
араатан амьтан | махан тэжээлт амьтан |
зэрлэг амьтан | байгальд өөрийн тааваар амьдрах амьтан |
ховор амьтан | тархац нутагтаа тоо толгой нь цөөрсөн, нөөц багатай, устаж болзошгүй амьтан |
нэн ховор амьтан | тархац нутагтаа бүхэлдээ болон ихэнх хэсэгт тоо толгой нь эрс цөөрсөн, ашиглах нөөцгүй устах аюулд орсон амьтан |
тэжээвэр амьтан | хүний гарт идээшиж дассан амьтан |
ан амьтан | агнаж ашиглаж болох зэрлэг амьтан |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он