Зовох, энэлэх: өвчөөр шаналах (өвдсөнөөс болж зовох) - Өвчиндөө шаналж зовсон эхнэрийн царай нь дэлгэрэнгүй...гэрэлтэх шиг болов. Н.Банзрагч. Зам., сэтгэл зовж шаналах (сэтгэл зовж энэлэх) - Энэ үг түүний сэтгэлийг шаналган зовоолоо. Л.Түдэв. Уулын үер., янаг сэтгэлээр шаналах (янаг сэтгэлтэй болсноос энэлэн зовох) - Дамдин Цэвэлмааг өөр харчуудтай тоглож байх юм уу, инээж хөхөрч энэ тэр болж байвал дотроо шаналан зовж сэтгэлээр унах нь тоймгүй. С.Дашдооров. Говийн өндөр., зовох шаналах [хоршоо] (сэтгэл санаа энэлэх) - Зовж шаналсаар сэтгэлийн тэвчээр дуусна. П.Лувсанцэрэн. Хөдөөгийн дуун., энэлэх шаналах [хоршоо] (сэтгэл удаан хугацаагаар зовох) - Хүний зэрэгт хүрэхдээ эцэг хүний элбэрэл хайраар дутаж энэлэн шаналсан нь үгүй билээ. С.Эрдэнэ. Холбоо гурван тууж.