Амтлаг, сэрүүн чанартай жимс: усан үзэм (а. Жимсгэнэ бүхий нэг зүйл бутлаг ургамал; б. Мөн бутлаг дэлгэрэнгүй...ургамлаас ургах шүүслэг, сайхан амттай жимсгэнэ) - Байгалийн гоо үзэсгэлэн, орчин тойрны усан үзмийн талбай, зам цуваа тэр чигээрээ харагдах шиг боллоо. Б.Ринчен. Өмнө этгээдэд зорчсон тэмдэглэл., усан үзмийн дарс (шүүслэг, амттай нэгэн төрлийн үзмээр хийсэн дарс); үзэмтэй үрэл (дотроо үзэм бүхий үрлэн чихэр), үзмэн хүрэн (нэгэн төрлийн нил ягаан өнгө) - Өнгө бүрийн цэцгэн хээ зүү ороож маш уран хатгамалласан үзмэн хүрэн торгон дээл өмсжээ. Ш.Нацагдорж. Мандхай цэцэн хатан., үзэм бурам [хоршоо] (төрөл бүрийн амттан), үзэм жимс [хоршоо] (үзэм болон янз бүрийн жимс жимсгэнэ), үзэм чавга [хоршоо] (үзэм жимс), үзэм бурам амттай боловч идэхгүй бол мэдэхгүй, ухаан санаа сайн боловч үзэхгүй бол мэдэхгүй [зүйр цэцэн үг] (ухаантай гэж бардамналгүй эрдэм номыг хичээнгүйлэн сур гэсэн санаа), хурган үзэм [ургамал] (гүнбэрэм буюу үзэм).