УУДАМ I

1. Үлэмж зайтай, уужим, тавиу: уудам говь (өргөн тэнүүн, зах хязгаар нь үл харагдах говь) - Нэгэн дэлгэрэнгүй... Б.Ринчен. Өмнө этгээдэд зорчсон тэмдэглэл., уудам орчлон (хязгааргүй сансар огторгуй), уудам эх орон (өргөн дэлгэр эх орон) - Уудам эх орны дундуур уул ус говийг гатлаад, ган зам зурайн гялалзаад галт тэрэг хурдлан явна. Ч.Лхамсүрэн. Ган зам., сансрын уудам (сансрын хязгааргүй орон зай), уудам тэнэгэр [хоршоо] (өргөн уудам, зах хязгааргүй мэт чөлөөтэй тавиун), өргөн уудам [хоршоо] (талбайн хэмжээ уужим том, цэлийсэн), цэлгэр уудам [хоршоо] (а. Өргөн уужим, тавиу; б. Зайтай), ханагар уудам [хоршоо] (маш өргөн, сэлүүн), уудам талбиу [хоршоо] (а. Зай ихтэй, уужим; б. Тайван амгалан) - Намрын найман сар тултал тэнд зусаж тогтвоос маш уудам талбиу орхигдож гээгдэх, сэдэн умартах алдаш гарахгүй болно. В.Инжаннаши Хөх судар;


2. [шилжсэн] Тайван, амгалан, өршөөнгүй, энэрэлт: уудам ухаантай (маш их ухаантай, уужуу дотортой) - Уудам ухаантай нь тийм дэлгэрэнгүй... Д.Гонгор. Д.Сүхбаатарын тухай дуртатгалууд., уудам сэтгэлтэй (өршөөнгүй сэтгэлтэй, энэрэнгүй сэтгэлтэй), тэнүүн уудам [хоршоо] (өгөөмөр, харамгүй).

уудам говь өргөн тэнүүн, зах хязгаар нь үл харагдах говь
уудам орчлон хязгааргүй сансар огторгуй
уудам эх орон өргөн дэлгэр эх орон
уудам тэнэгэр өргөн уудам, зах хязгааргүй мэт чөлөөтэй тавиун
өргөн уудам талбайн хэмжээ уужим том, цэлийсэн
цэлгэр уудам а. Өргөн уужим, тавиу; б. Зайтай
ханагар уудам маш өргөн, сэлүүн
уудам талбиу а. Зай ихтэй, уужим; б. Тайван амгалан
уудам ухаантай маш их ухаантай, уужуу дотортой
тэнүүн уудам өгөөмөр, харамгүй
Ижил үг:

УУДАМ II