Будаа тариаг гурил болгон тээрэмдэх хэрэгсэл - Би сүүлчийнхээ хэвгийг тээрэмд хийгээд дээш харахад дээврийн дэлгэрэнгүй...завсраар соёолон хөлдсөн урт шовх мөснүүд харагдана. Д.Мягмар. Тээрэмчин., тээрэмд орох (тээрмээр гурил татах), тээрэм татах (тээрэм эргүүлж гурил хийх) - Үнэндээ яримаар санагдсан авч ээжийн нь дэргэд эвгүй юм шиг болохоор хоол идсэний дараа тээрэм татахдаа л Жанжаадаа яръя гэж бодлоо. Д.Мягмар. Уянгын туужууд., тээрмийн морь (тээрэмд зүтгүүлэх морь, тээрмийн бул эргүүлэх морь), тээрмийн хүйс (тээрмийн чулууны голын нүх), тээрмийн чулуу (хавтгай болгон зассан, хоорондуур нь будаа хийн үрж гурил болгох зориулалтай чулуу) - Чүү гэж чимээ өгмөгц хар морь тээрмийн дугариг чулууг харшуулан эргүүлж, хад хайрга нь ил гартлаа ховилтон элэгдсэн, эх ч үгүй төгсгөл ч үгүй тээрэм тойрсон нарийн жимээр жигдхэн гэлдэрч эхэллээ. Д.Мягмар. Тээрэмчин., гар тээрэм (гараар эргүүлж будааг гурил болгох хэрэгсэл), салхин тээрэм (салхины хүчээр ажиллах тээрэм), усан тээрэм (усны хүчээр ажиллах тээрэм), цахилгаан тээрэм (цахилгааны хүчээр ажиллах тээрэм), морин тээрэм (будааг нунтаглах бул чулууг морины хүчээр эргүүлдэг тээрэм) - Арандал эцгээсээ өвлөж авсан тавиад үхэр гучаад адуу, хорин хэдэн хонь, морин тээрэм зэрэг хөрөнгө хогшлоороо нутаг усныхаа баячуудын тоонд орно. Б.Нямаа. Арандалынхан., тээрэм шиг эргэх, тэрэг шиг донслох [зүйр цэцэн үг] (самгардах, сандрах, мангартах гэсэн санаа), тээрмийн хөлд тариа, тэмээний хөлд голио [зүйр цэцэн үг] (хэлмэгдэх гэсэн санаа).