Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

САЛАА I

1. Нэг эхээс салбарласан ацтай зүйл: салаа гэзэг (хувааж сүлжсэн гэзэг) - Салаа гэзгээ дагнан дэлгэрэнгүй... Д.Пүрэвдорж. Нар тойрсон зам., салаа гол (нэг эхтэй олон салбар урсгалтай гол), салаа зам (хэдэн тийшээ салсан зам) - Багын хоёр салаа замаар явсаар сая Уртын хүрээнээ нүүр учрав. Г.Батаа нар. Онцгой даалгавартан., хур салаа (элэгдсэн модноос дахин ургасан нарийн мөчир), салаа мөчир [хоршоо] (модны салбарлан ургах иш) - Салхиар хөдөлсөн модны салаа мөчир найгалзана. Д.Равжаа. Зохиолын эмхэтгэл., салахын эрхээр эс салав, салаа замын эрхээр салав [зүйр цэцэн үг] (аргагүйн эрхэнд холдон явах гэсэн санаа);

2. Нэг иш, угаас салбарлан гарсан юмсын хоорондох зай, ацалсан хэсэг газар - Өглөөний шүүдэр арилаагүй байхад усан улбаа татуулан бэлчээснээс болж дэлгэрэнгүй... Ж.Самбуу. Мал маллагааны арга туршлага., гарын салаа (гарын хуруу хоорондын завсар, бэлчир) - Гарын салаагаар гараад явчихдаг ганц хоёр цаасаар юугаа хийх вэ. С.Дашдэндэв. Үүрийн цолмон., хөлийн салаа (хөлийн хуруу хоорондын зай), туурайн салаа (мал адгуусны туурай дахь ац), салаа туурайтан (туурай бүхий амьтдын ерөнхий нэр) - Буга согоо, гур зүрнээс өөр салаа туурайтан хүрээгүй тийм өндөрт гарав. Б.Нямаа. Арандалынхан., *салаа татах (морь малын ихэд таргалах), салаа ихтэй модонд шувуу олон, санаа сайтай айлд зочин олон [зүйр цэцэн үг] (сайн санаатай хүнд нөхөр олон гэсэн санаа).

салаа гэзэг	хувааж сүлжсэн гэзэг
салаа гол	нэг эхтэй олон салбар урсгалтай гол
салаа зам	хэдэн тийшээ салсан зам
хур салаа	элэгдсэн модноос дахин ургасан нарийн мөчир
салаа мөчир	модны салбарлан ургах иш
салахын эрхээр эс салав, салаа замын эрхээр салав	аргагүйн эрхэнд холдон явах гэсэн санаа
гарын салаа	гарын хуруу хоорондын завсар, бэлчир
хөлийн салаа	хөлийн хуруу хоорондын зай
туурайн салаа	мал адгуусны туурай дахь ац
салаа туурайтан	туурай бүхий амьтдын ерөнхий нэр
салаа татах	морь малын ихэд таргалах
салаа ихтэй модонд шувуу олон, санаа сайтай айлд зочин олон	сайн санаатай хүнд нөхөр олон гэсэн санаа