1. Яс, хулс, мод, төмөр зэргээр хийсэн хоол хавчиж идэхэд зориулсан хос нарийн хэрэгсэл: ясан савх дэлгэрэнгүй...(ясаар хийсэн хоол идэх хэрэглэл), төмөр савх (төмрөөр хийсэн савх), савхны гэр (савх агуулж хадгалах сав), савхны толгой (савхны дээд талд мөнгө төмрөөр бөгж тавьсан нь), савхны хоног (хутганы хуй дахь савх дүрэх зориулалтын хэсэг), савх барих (урт нарийхан хос зүйлийг зэрэгцүүлэн барих), савх хийх (хулс, мод, төмөр зэргээр хоолоо хавчин авч идэхэд зориулан хос урт нарийхан зүйл хийх) - Залтасны зомголоор савх хийн борцоо этэж идэв. Д.Мягмар. Уянгын туужууд., савхаар идэх (нарийн урт хос зүйлээр хоолоо хавчин барьж идэх) - Дорно дахинд газар сайгүй л савхаар идэх юм гэж ярьж байдаг шүү. Л.Дашням. Бурхантын цэцэг., савх мод (бага ангийн сурагчдыг тоо бодож сурахад зориулсан нарийн жижиг мод, хичээлийн хэрэглэл), савх шиг хуруу (нарийхан, урт хуруу) - Савх шиг нарийн цагаан хурууг нь харахад үнээний хөхөнд ч юм уу, хадуурын ишид лав хүрээгүй байх гэж бодогдоно. Д.Цэдэв. Айргийн амт., савхан ташил [хөгжим] (ясан савх амандаа зуугаад няслан хөг аялгуу гаргах монгол ардын хөгжмийн урлагийн нэгэн төрөл зүйл), савхан өвс [ургамал] (нэгэн зүйл бамбай өвс);