Хэтэрхий, дэндүү: даан бага (хэтэрхий бага), даан их (тун их) - Манайхан дэлгэрэнгүй...зусландаа буугаад даан их удаагүй байв. С.Удвал. Та бид уулзана., даан дэндүү (арай дэндүү), даан ч (а. Нэн, тун, дэндүү - Даан ч сайн мэднэ. Ч.Лодойдамба. Тунгалаг Тамир; б. Арай ч - Даан ч яав аа! Л.Түдэв. Уулын үер; в. Харамсалтай нь, аргагүй л - Даан ч сум нь дууссан. Ж.Дамдин. Үймээний жил), даан ч аргагүйдэх (ямар ч аргагүй болох), даан ч алга (үнэхээр байхгүй) - Түүнд хүний сэтгэлд дундуурхан юм даан ч алга. С. Пүрэв. Уулын намар., даан ч бага (дэндүү бага) - Хэдийгээр хүрэн хайнаг жигд бөгөөд том алхавч үхэр тэрэг болохоор зам хорох нь даан ч бага ажээ. Ч. Лодойдаба. Тунгалаг тамир., даан ч дэндүү (үнэхээр хэтрүү), даан ч цагааны хиртэх нь түргэн, даан ч амрагийн салах нь түргэн [зүйр цэцэн үг] (аливаа зүйл хэрээс хэтрэх нь зохисгүй гэсэн санаа), даан чиг [яриа] (даан ч) - Ингэж насан эцэс болно гэж даан чиг санасангүй юмсан даа. А.Толстой. Мөнгөн ноён., даандаа (тэр тусмаа, тэгэхдээ, яваандаа) - Даандаа Цамба, за Лувсанпэрэнлэй чи ч гэсэн тариа их хаядаг шүү. Л.Түдэв. Нүүдэл., даан даандаа [хоршоо] (улам улмаа).