ЭРҮҮ I

1. Хүн амьтны толгойны амнаас дооших хэсэг - Би эдгэрүүлж өгье гэж өгүүлэхэд түүний эрүүний доорх сахал нь дэлгэрэнгүй... Д.Нацагдорж. Бүрэн түүвэр., эрүү заах (амьтны эрүүг толгойноос салгах) - Бид асуугаад эрүүг нь заасан ч дуугарахгүй. Ц.Ням-Осор. Юу гэнээ хө., эрүү зуурах (ихэд даарснаас хүн, амьтны шүд зуурах) - Хүрэлийн эрүү нь зуурч булчин чичрэв. С.Дашдэндэв. Улаан наран., эрүү ам [хоршоо] (хүн, амьтны амны хөндий болон түүнд байрлах шүд суух хэсэг) - Эрүү ам хамхихгүй, этгээд хачин мал бэ? гэж эзэн хүн уурсав. С.Дашдооров. Өнчин цагаан ботго., *эрүү өвдөг нийлэх (ихэд хөгшрөх) - Эрүү өвдөг нийлсэн эрэмдэг муу өвгөн боллоо. С.Дашдэндэв. Үүрийн цолмон., эрүү толгой [хоршоо] (хүн, амьтны уураг тархи бүхий эрхтэн болон түүний амны хөндийгөөс дооших хэсэг), *эрүү толгой зодолдуулах ~ эрүү толгой нийлүүлэх (хоол идэх) - Эрүү толгой зодолдуулах юу байна даа гэсээр майханд гүйж орвол Чулуун хуурсан гурил зуурч суув. Д.Цэдэв. Айргийн амт., *дэвсээ эрүү (налиг нялуу үг яриатай хүн), *эрүүний шөл амсах (үглүүлэх, яншуулах);


2. Зуухны аман талд гал, үнс зэргийг тосож байрлуулсан хавтгай төмөр: зуухны эрүү (зуухны амнаас унах гал, үнсийг тосож авдаг төмөр дэлгэрэнгүй...
3. Хавхны амьтны хөлийг хавчих хэсгийг торгоон тавьсан матигар мод: хавхны эрүү (хавхны эх биеэс гарсан урт хэсэг);
4. [хуучирсан] Эхнэр хүний дээлийн ханцуйд өөр өнгийн зүйлээр оёж хийсэн оруулга;
5. Уулын хормойн шувтарга хэсэг, дэнж дэв бүхий хэсэг: уулын эрүү (уулын өндөрлөг хэсгээс доош буусан шувтарга).

эрүү заах амьтны эрүүг толгойноос салгах
эрүү зуурах ихэд даарснаас хүн, амьтны шүд зуурах
эрүү ам хүн, амьтны амны хөндий болон түүнд байрлах шүд суух хэсэг
эрүү өвдөг нийлэх ихэд хөгшрөх
эрүү толгой хүн, амьтны уураг тархи бүхий эрхтэн болон түүний амны хөндийгөөс дооших хэсэг
эрүү толгой зодолдуулах хоол идэх
дэвсээ эрүү налиг нялуу үг яриатай хүн
эрүүний шөл амсах үглүүлэх, яншуулах
зуухны эрүү зуухны амнаас унах гал, үнсийг тосож авдаг төмөр гаргуул
хавхны эрүү хавхны эх биеэс гарсан урт хэсэг
уулын эрүү уулын өндөрлөг хэсгээс доош буусан шувтарга
Ижил үг:

ЭРҮҮ II