Дохио тэмдэг өгөх зэрэгт хэрэглэх, голдоо дэлдэх хэлтэй төмөрлөг зүйл: хонх дуугарах ~ хонх дэлгэрэнгүй...хангинуулах (дохио дуугарах) - Улаан халтар нохой гэнэт гарч ирэн хүзүүн дэх олон том гуулин хонхнуудаа хангинуулан хуцав. Д.Намдаг. Цаг төрийн үймээн., хонхны хэл (хонхыг дэлдэн дуугаргадаг бяцхан төмөр), завсарлагын хонх дуугарах (завсарлах дохио өгөх), хонх цохих (дохионы хонх дэлдэх), дугуйны хонх (дугуйны дохио), хонх дамар [хоршоо] (шашны үйлд хэрэглэдэг цохивор хөгжмийн зэмсэг), *чихнээс хонх уях (а. Хэрэг тарьж нэр гаргах; б. Ямар нэгэн юмны тухай үргэлжлэн үглэж цөхрөөх) - За ээжээ, үүнийг чинь хүн л хийдэг ажил. Алийн болгон та хоёрын чихнээс хонх уяж, идэх өмсөхөө зэхүүлж явах вэ дээ гэж Бат хэлээд эхийнхээ өвдөг дээр толгойгоо тавив. З.Сандагаа. Хүний ганц., хонх нь дуугараад хөсөг нь хөдлөхгүй [зүйр цэцэн үг] (хоосон амлах, ам ажил хоёр нь зөрөх гэх мэт санаа), хонх нь дуугарвал дамар нь таг, хоёулаа дуугарвал лам нь таг [зүйр цэцэн үг] (ажил хэргээ зохицуулж, нийлүүлж чаддаггүй, ажил хэрэг бүтэлгүйтэх гэсэн санаа), хонх цангилзуур [хоршоо] (хоёр төрлийн хөгжмийн зэмсэг) - Зуун зүйлийн хэнгэрэг цан, хонх цангилзуурын дуун гаргав. В.Инжаннаши. Хөх судар., хонхон цэцэг [ургамал] (нэг салаанд хэд хэдэн хүйстэй, анхилсан сайхан үнэртэй, хонхон хэлбэртэй цагаан цэцэгтэй олон наст өвслөг ургамал), төмсний хонх [ургамал] (зэрлэг төмсний цэцэг);