Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

СИЙЛЭХ I

1. Бичиг, зураг мэтийг хатуу юман дээр ухаж урлах: үсгийн бар сийлэх (үсгийн бар ухах), модон дэлгэрэнгүй...дээр тамга сийлэх (модыг ухан тамга урлах), чулуун дээр сийлэх (чулуун дээр ухан бичих) - Уулын чулуунд бодол сийлэх ур билгийг тань сүсэглэнэм. “Цог” сэтгүүл;

2. Хатуу зүйлийг зорж, юмны дүрс гаргах - Өдөр бүхэн хуш модоор элдэв амьтны дүрс сийлнэ. Б.Нямаа. дэлгэрэнгүй... тамга сийлэх (мод, чулуу, металл зэргийг зорж, ухаж тамга урлах) - Түүний заасан хөх цонхтой байшинд орвол шар лам тамга сийлж байна. С.Буяннэмэх. Түүвэр зохиол., шатар сийлэх (хатуу зүйлийг зорж, ухаж шатар урлах), угалз сийлэх (угалз урлах), холтчин сийлэх (ямар нэгэн зүйлийг бага багаар нь элтлэн ухаж урлах);

3. Зузаан юмыг хутгаар зүсэж сийчих: мах сийлэх (зузаан махыг зүсэж нимгэлэх);

4. [шилжсэн] Сайхан зурах, бичих - Чи бичнэ ч гэж сийлээд өгнө. Г.Дүйнхэржав. Арилшгүй мөр.

үсгийн бар сийлэх	үсгийн бар ухах
модон дээр тамга сийлэх	модыг ухан тамга урлах
чулуун дээр сийлэх	чулуун дээр ухан бичих
тамга сийлэх	мод, чулуу, металл зэргийг зорж, ухаж тамга урлах
шатар сийлэх	хатуу зүйлийг зорж, ухаж шатар урлах
угалз сийлэх	угалз урлах
холтчин сийлэх	ямар нэгэн зүйлийг бага багаар нь элтлэн ухаж урлах
мах сийлэх	зузаан махыг зүсэж нимгэлэх