Сайн, эерэг тал нь давамгай байдал: ааш сайт (ааш зан нийцтэй, эвлэг), өнгө сайт дэлгэрэнгүй...(зүс царай сайн, үзэмжтэй) - Нэгэн сайн аашт, өнгө сайт тийм нэгэн хүнийг ноён болгон өргөв. Лу. Алтан товч., зан сайт (ааш зан сайтай) - Зан сайт хүнд хүмүүс тэмүүлдэг. Ж.Дамдин. Үймээний жил., заяа сайт (хувь тавилан сайн), санаа сайт (санаа сэтгэл сайхан), толио сайт (зүс царай сайн, бие чийрэг, сэргэлэн), удам сайт~үүд сайт (удам угсаа сайн), язгуур сайт (удам сайт) - Бие бялдрын цэмцгэр, өмссөн зүүснийг нь үзвэл язгуур сайт айлд зоргоор өссөн хүүхэд ээ. З.Баттулга. Уяхан Замбуутив., үнэр сайт (үнэр тансаг) - Үнэр сайт заарыг хэрэглэн дурласан хүн, өмхий хүдрийн хүйснээс ч жигшилгүй авах мэт. Субашид., хатир сайт (хурдан) - Хатир сайт агтыг хөөж авчирч өгье. Монголын нууц товчоо., шандас сайт хүлэг (хурдан хүлэг, сайн морь) - Дайр бор хэмээх шандас сайт хурдан хүлгийн тухай домогт байдаг. С.Лочин нар. Галтай залуу нас., ураг сайт хүнтэй ураг болоход урамтай, онги сайт сүхтэй түлээ цавчихад урамтай [зүйр цэцэн үг] (удам угсаа сайтай хүнтэй төрлийн холбоотой болоход санаа зовох зүйлгүй, сүхний онги сайн бол түлээ цавчихад хялбар гэсэн санаа).